വർക്കല: ദീർഘകാലമായി മുടങ്ങിക്കിടന്ന കാപ്പിൽ - തിരുവനന്തപുരം മെഡിക്കൽ കോളജ് കെ.എസ്.ആർ.ടി.സി സർവീസിന് തുടക്കമായി. ആറ്റിങ്ങൽ ഡിപ്പോയിൽ നിന്ന് പുലർച്ചെ 5.50ന് കാപ്പിലിലേക്ക് പുറപ്പെടുന്ന ബസ് രാവിലെ 7ഓടെ എത്തിച്ചേരും. തുടർന്ന് 7.15ന് കല്ലമ്പലം - ആറ്റിങ്ങൽ വഴി തിരുവനന്തപുരം മെഡിക്കൽ കോളജിലേക്ക് തിരിക്കും. ഉച്ചയ്ക്ക് 1.45ന് തിരുവനന്തപുരത്ത് നിന്ന് മെഡിക്കൽ കോളജ് ആറ്റിങ്ങൽ വഴി 3.30ന് വർക്കലയിലും തുടർന്ന് 3.50ഓടെ കാപ്പിലിലും എത്തിച്ചേരും. 4.10ന് കാപ്പിൽ നിന്ന് തിരിച്ച് 5.20ന് ആറ്റിങ്ങൽ എത്തിച്ചേരുന്ന വിധമാണ് സർവീസ് ക്രമീകരിച്ചിരിക്കുന്നത്.