ചെങ്ങന്നൂർ : എസ്.എൻ.ഡി.പി യോഗം ചെങ്ങന്നൂർ യൂണിയനിലെ 5416​ാം നമ്പർ പറയരുകാല ശാഖയുടെ ആഭിമുഖ്യത്തിലുള്ള ഒന്നാമത് പറയരുകാല ശ്രീനാരായണ കൺവൻഷൻ 10ന് തുടങ്ങും. പറയരുകാല ഗുരുക്ഷേത്രത്തിനു സമീപം തയ്യാറാക്കിയിരിക്കുന്ന വേദിയിൽ വൈകിട്ട് 6.30 ന് യൂണിയൻ ചെയർമാൻ അനിൽ അമ്പാടി കൺവെൻഷന്റെ ഉദ്ഘാടനം നിർവ്വഹിക്കും. യൂണിയൻ കൺവീനർ അനിൽ പി.ശ്രീരംഗം അദ്ധ്യക്ഷത വഹിക്കും. യൂണിയൻ അഡ്.കമ്മറ്റി അംഗം കെ.ആർ.മോഹനൻ, മുളക്കുഴ ഗ്രാമപഞ്ചായത്ത് അംഗം മഞ്ചു, പറയരുകാല ദേവിക്ഷേത്രം ദേവസ്വം പ്രസിഡന്റ് സുജിത്ത് ബാബു, പത്തിശ്ശേരി കുടുംബക്ഷേത്രം പ്രസിഡന്റ് ജയപ്രകാശ്, കൈപ്പശ്ശേരി കുടുംബക്ഷേത്രം പ്രസിഡന്റ് ദനേശൻ എന്നിവർ തൊട്ടാവാടി എന്നിവർ സംസാരിക്കും. ശാഖ പ്രസിഡന്റ് എസ്.എസ്.ചന്ദ്രസാബു സ്വാഗതവും സെക്രട്ടറി എൻ.എൻ.ശ്രീധരൻ നന്ദിയും പറയും. കൺവൻഷനു മുന്നോടിയായുള്ള ഗുരുദേവജയന്തിഘോഷയാത്ര വൈകിട്ട് 3.30 ന് പറയരുകാല ദേവിക്ഷേത്രത്തിൽ നിന്നും ആരംഭിച്ച് കൺവൻഷൻ നഗറിൽ എത്തിച്ചേരും. 11ന് രാവിലെ 10ന് ആത്മീയപ്രഭാഷകൻ ഡോ.എം.എം. ബഷീറും 12ന് രാവിലെ 10ന് ഗുരുദേവ കൃതികൾക്ക് ഒരാമുഖം എന്ന വിഷയത്തിൽ സൗമ്യഅനിരുദ്ധ് കോട്ടയവും 11ന് രാവിലെ 10ന് ഗുരുദർശനം കുടുംബബന്ധങ്ങളിലൂടെ എന്ന വിഷയത്തിൽ വൈക്കം മുരളിയും പ്രഭാഷണം നടത്തും.

എല്ലാ ദിവസങ്ങളിലും ഉച്ചയ്ക്ക് ഒരുമണിക്ക് അന്നദാനവും ഉണ്ടാകുമെന്ന് ശാഖ പ്രസിഡന്റ് എസ്.എസ്.ചന്ദ്രബാബുവും സെക്രട്ടറി എൻ.എൻ.ശ്രീധരനും പ​റഞ്ഞു.