അരൂർ: എഴുപുന്ന ഗ്രാമപഞ്ചായത്ത് കുടുംബശ്രീ - സി.ഡി.എസിന്റെ നേതൃത്വത്തിൽ സംഘടിപ്പിച്ച അഗതി സംഗമവും ഓണപ്പുടവ വിതരണവും സ്നേഹവിരുന്നും എ.എം.ആരിഫ് എം.പി ഉദ്ഘാടനം ചെയ്തു. പഞ്ചായത്ത് പ്രസിഡൻറ് ആർ.പ്രദീപ് അദ്ധ്യക്ഷനായി. ജില്ലാ പഞ്ചായത്തംഗം അനന്തു രമേശൻ, ആലപ്പുഴ ഡി.എം.സി പ്രശാന്ത് ബാബു, പഞ്ചായത്ത് വൈസ് പ്രസിഡന്റ് ഡോ. ശ്രീലേഖ അശോക്, വികസന കാര്യ സ്ഥിരം സമിതി ചെയർമാൻ ടോമി ആതാളി, ക്ഷേമ കാര്യ സ്ഥിരം സമിതി ചെയർപേഴ്സൺ ദീപ, ആരോഗ്യ - വിദ്യാഭ്യാസ സ്ഥിരം സമിതി ചെയർമാൻ പി.കെ.മധുക്കുട്ടൻ, സി.ഡി.എസ്.ചെയർപേഴ്സൺ വാസന്തി സുധാകരൻ, മെമ്പർ സെക്രട്ടറി ടി.വി. സുധർമ്മിണി, പഞ്ചായത്തംഗങ്ങളായ സി.എസ്. അഖിൽ, ടി.എസ്.ശ്രീജിത്ത് തുടങ്ങിയവർ പങ്കെടുത്തു.