അമ്പലപ്പുഴ: ഗുരുധർമ്മ പ്രചരണ സഭ പറവൂർ തെക്ക് യൂണിറ്റിന്റെ വാർഷികവും സ്കോളർഷിപ്പ് വിതരണവും പുന്നപ്ര അറവുകാട് ഇംഗ്ലീഷ് മീഡിയം സ്കൂളിൽ നടന്നു. എച്ച്.സലാം എം.എൽ.എ ഉദ്ഘാടനം ചെയ്തു. യൂണിറ്റ് പ്രസിഡന്റ് ബിനീഷ് ബോയ് അദ്ധ്യക്ഷനായി. ഗുരുധർമ്മ പ്രചരണ സഭ ജില്ലാ കമ്മറ്റി അംഗം ആർ.പ്രസന്നകുമാർ ഭദ്രദീപ പ്രകാശനം നിർവഹിച്ചു.ശിവഗിരി മഠം ചീഫ് കോ ഓർഡിനേറ്റർ റ്റി.വി.രാജേന്ദ്രൻ മുഖ്യപ്രഭാഷണം നടത്തി.പുന്നപ്ര തെക്ക് പഞ്ചായത്ത് പ്രസിഡന്റ് പി.ജി. സൈറസ് പ്രതിഭകളെ ആദരിച്ചു. ഓണപ്പുടവ വിതരണം പി.റ്റി.സുമിത്രൻ നിർവഹിച്ചു.എസ്.എൻ.ഡി.പി യോഗം 241ാം നമ്പർ ശാഖ സെക്രട്ടറി ടി. പ്രദീപ് മുൻകാല പ്രവർത്തകരെ ആദരിച്ചു. ഗുരുധർമ്മ പ്രചാരകൻ ഡി.ഭാർഗവൻ, യൂണിറ്റ് ഉപദേശക സമിതി ചെയർമാൻ വി.ആർ.സാബു, അമ്പലപ്പുഴ മണ്ഡലം മാതൃസഭ സെക്രട്ടറി വത്സലാകുമാരി തുടങ്ങിയവർ സംസാരിച്ചു.യൂണിറ്റ് സെക്രട്ടറി പി.റ്റി.മധു സ്വാഗതവും, എം.സന്തോഷ് നന്ദിയും പറഞ്ഞു.