ആലപ്പുഴ: കണിച്ചുകുളങ്ങര ദേവസ്വത്തിന്റെ ആഭിമുഖ്യത്തിൽ ഗുരുദേവ ജയന്തി ആഘോഷവും ചതയദിന പ്രാർത്ഥനയും ഗുരുക്ഷേത്ര സന്നിധിയിൽ 10ന് നടക്കും. രാവിലെ 8ന് ഗുരുപുഷ്പാഞ്ജലി, 9ന് ദേവസ്വം സെക്രട്ടറി പി.കെ.ധനേശൻ പതാക ഉയർത്തും. ബേബി പാപ്പാത്തി ജയന്തി ഗാനം ആലപിക്കും. 9.15ന് സമൂഹ പ്രാർത്ഥന, ഗുരുദേവ കൃതികളുടെ ആലാപനം, 11.30ന് ഗുരുദേവ പൂജ, ഉച്ചയ്ക്ക് 12.30ന് ബേബി പാപ്പാളിയുടെ നേതൃത്വത്തിൽ പ്രാർത്ഥനയും ഗുരുദേവ കൃതികളുടെ ആലാപനവും. തുടർന്ന് ഗുരുദേവപൂജയും പ്രസാദ വിതരണവും നടക്കും. ഉച്ചയ്ക്ക് ശേഷം എസ്.എൻ.ഡി.പി യോഗം കണിച്ചുകുളങ്ങര യൂണിയന്റെ ആഭിമുഖ്യത്തിൽ ജയന്തി ഘോഷയാത്രയും ചതയദിന പ്രാർത്ഥനയും നടക്കും.