ചേർത്തല: എസ്.എൻ.ഡി.പി യോഗം വയലാർ മദ്ധ്യം 465-ാം നമ്പർ ശാഖയിൽ പ്രാർത്ഥനാലയത്തിലേക്ക് ആവശ്യമായ ഡസ്‌ക്കുകളും പാചകാവശ്യത്തിനുള്ള പാത്രങ്ങളും ചേർത്തല യൂണിയൻ അഡ്മിനിസ്‌ട്രേറ്റർ ടി.അനിയപ്പൻ ശാഖാ യോഗത്തിന് കൈമാറി.ശാഖാ പ്രസിഡന്റ് ഗോപിനാഥൻ അദ്ധ്യക്ഷത വഹിച്ചു. നിയുക്ത ഡയറക്ടർ ബോർഡ് അംഗം അനിൽ ഇന്ദീവരം മുഖ്യ പ്രഭാഷണം നടത്തി.യൂണിയൻ കമ്മറ്റി അംഗം കെ.എം.വിനോദും കമ്മറ്റി അംഗങ്ങളായ എൻ.രാജേഷ്,സുനിൽകുമാർ,സന്തോഷ് കുമാർ, അനീഷ്,മനോജ്,സുധിഷ്,സുരേഷ്,പ്രസന്നൻ,പി.പി.സുനിൽകുമാർ,സുജാത,യൂത്ത് മൂവ്‌മെന്റ്,വനിതസംഘം, കുടുംബയുണിറ്റ് ഭാരവാഹികളും പങ്കെടുത്തു. ശാഖാ സെക്രട്ടറി എം.രാജേഷ് സ്വാഗതവും വൈസ് പ്രസിഡന്റ് പി.ബി.വിമലാൽ നന്ദിയും പറഞ്ഞു.