മാവേലിക്കര: ചെന്നിത്തല തൃപ്പെരുന്തുറ സർവ്വീസ് സഹകരണബാങ്കിന്റെ ആഭിമുഖ്യത്തിൽ ഓണത്തോടനുബന്ധിച്ച് വിഷരഹിതമായ നാടൻ പച്ചക്കറികളുടെ വിപണി ആരംഭിച്ചു. ബാങ്ക് പ്രസിഡന്റ് ഐപ്പ് ചാണ്ടപ്പിള്ള ഉദ്ഘാടനം ചെയ്തു. സെക്രട്ടറി കെ.എസ് ഉണ്ണികൃഷ്ണൻ, പൊന്നമ്മ മാത്യു, ബഹനാൻ ജോൺ മുക്കത്ത്, അനിൽ വൈപ്പുവിളയിൽ, എം.സോമനാഥൻ പിള്ള തുടങ്ങിയവർ സംസാരിച്ചു. ഇതോടനുബന്ധിച്ച് ഏത്തക്കുല വിപണിയും പ്രവർത്തിക്കുന്നുണ്ട്. ഓണവിപണി ഇന്ന് സമാപി​ക്കും.