അമ്പലപ്പുഴ: കടലിൽ മത്സ്യബന്ധനത്തിടെ വള്ളം തീരത്ത് അടുപ്പിക്കുമ്പോൾ കാലിൽ റോപ്പ് കുരുങ്ങി കടലിൽ വീണ മത്സ്യത്തൊഴിലാളി മരിച്ചു. അമ്പലപ്പുഴ തെക്ക് പഞ്ചായണ് 14-ാം വാർഡ് കോമന പുതുവൽവീട്ടിൽ സന്തോഷാണ് (40) മരിച്ചത്. അമ്പലപ്പുഴ കച്ചേരി മുക്കിന് സമീപത്തെ എ.ടി.എം ജംഗ്ഷന് പടിഞ്ഞാറ് ഇന്നലെ വൈകിട്ട് നാലോടെയായിരുന്നു അപകടം. മത്സ്യബന്ധനത്തിനിടെ ഉണ്ടായ ശക്തമായ കാറ്റിനെ തുടർന്ന് വള്ളം തീരത്തടുപ്പിക്കാൻ സന്തോഷും സഹപ്രവർത്തകരും ശ്രമിച്ചു. റോപ്പുമായി ബന്ധിപ്പിച്ച ആങ്കർ വള്ളത്തിൽ നിന്ന് സഹപ്രവർത്തകർക്ക് എറിഞ്ഞു കൊടുക്കുന്നതിനിടെ സന്തോഷിന്റെ കാലിൽ കുരുങ്ങി കടലിൽ വീഴുകയായിരുന്നു. ഒപ്പമുണ്ടായിരുന്ന ആറു മത്സ്യത്തൊഴിലാളികളും വിവരമറിഞ്ഞെത്തിയ തോട്ടപ്പള്ളി കോസ്റ്റൽ പൊലീസും നടത്തിയ മണിക്കൂറുകൾ നീണ്ട തിരച്ചിലിനിടെ 5.45 ഓടെ സന്തോഷിനെ ഏറെ അവശ നിലയിൽ കണ്ടെത്തി. ആലപ്പുഴ മെഡി. ആശുപത്രിയിലേക്ക് ആശുപത്രിയിലേക്ക് കൊണ്ടുപോകുന്നതിനിടെ മരിച്ചു. മൃതദേഹം മോർച്ചറിയിലേക്ക് മാറ്റി. ഭാര്യ: സൂര്യ. മക്കൾ: ഐശ്വര്യ, സങ്കീർത്തന.