വൈക്കം: എസ്.എൻ.ഡി.പി യോഗം വൈക്കം യൂണിയന്റെ നേതൃത്വത്തിലുള്ള ചതയദിനാഘോഷത്തിന് ഒരുക്കങ്ങളായി. യൂണിയനിലെ അൻപത്തിനാല് ശാഖകൾ ചേർന്നാണ് ചതയദിനം ആഘോഷിക്കുന്നത്.

10ന് ഉച്ചയ്ക്ക് 2ന് ചതയദിന ഘോഷയാത്ര യൂണിയൻ ഓഫീസ് അങ്കണത്തിൽ നിന്ന് ആരംഭിക്കും. കച്ചേരിക്കവല, മുനിസിപ്പൽ ബസ് സ്റ്റാന്റ്, കൊച്ചുകവല, ടി.കെ മാധവൻ സ്ക്വയർ, വടക്കേനട, പടിഞ്ഞാറേ നട, കച്ചേരിക്കവല വഴി ഘോഷയാത്ര ആശ്രമം സ്കൂളിൽ എത്തിച്ചേരും. 3.45ന് ആശ്രമം സ്കൂൾ അങ്കണത്തിൽ ചേരുന്ന ചതയദിന മഹാസമ്മേളനം മന്ത്രി വി.എൻ വാസവൻ ഉദ്ഘാടനം ചെയ്യും. യൂണിയൻ പ്രസിഡന്റ് പി.വി. ബിനേഷ് അദ്ധ്യക്ഷത വഹിക്കും. യൂണിയൻ സെക്രട്ടറി എം.പി.സെൻ സ്വാഗതം പറയും. മന്ത്രി പി.പ്രസാദ് ചതയദിനസന്ദേശം നൽകും. ഡി.ജി.പി ബി.സന്ധ്യ പ്രതിഭകളെ ആദരിക്കും. തൃശൂർ ഡിസ്ട്രിക്ട് ഡെവലപ്മെന്റ് കമ്മീഷണർ ശിഖാ സുരേന്ദ്രൻ മെറിറ്റ് അവാർഡ് വിതരണം നടത്തും. നഗരസഭ ചെയർപേഴ്സൺ രാധിക ശ്യാം, യോഗം അസി.സെക്രട്ടറി പി.പി സന്തോഷ്, ഡയറക്ടർ ബോർഡംഗം രാജേഷ്.പി.മോഹൻ, യൂണിയൻ കൗൺസിലർമാരായ ബിജു കൂട്ടുങ്കൽ, ബിജു തുരുത്തുമ്മ, മധു ചെമ്മനത്തുകര, രമേഷ്.പി.ദാസ്, ടി.എസ് സെൻ സുഗുണൻ, എം.എസ്.രാധാകൃഷ്ണൻ എന്നിവർ പ്രസംഗിക്കും. യൂണിയൻ വൈസ് പ്രസിഡന്റ് കെ.വി.പ്രസന്നൻ നന്ദി പറയും. യൂത്ത്മൂവ്മെന്റ് യൂണിയൻ പ്രസിഡന്റ് പി.വി വിവേക്, വനിതാസംഘം യൂണിയൻ പ്രസിഡന്റ് ഷീജ സാബു, ആശ്രമം സ്കൂൾ വൊക്കേഷണൽ ഹയർ സെക്കന്ററി പ്രിൻസിപ്പൽ ഷാജി.ടി.കുരുവിള, ഹയർ സെക്കൻഡറി പ്രിൻസിപ്പൽ കെ.എസ്.സിന്ധു, പ്രഥമാദ്ധ്യാപിക പി.ആർ.ബിജി, എൽ.പി വിഭാഗം പ്രഥമാദ്ധ്യാപകൻ പി.ടി.ജിനീഷ്, സഹപാഠിക്കൊരു സാന്ത്വനം ജനറൽ കൺവീനർ വൈ.ബിന്ദു, ,സീനിയർ അസിസ്റ്റന്റുമാരായ റെജി.എസ്.നായർ, പ്രിയാ ഭാസ്ക്കർ എന്നിവർ പങ്കെടുക്കും.

യൂത്ത്മൂവ്മെന്റ് യൂണിയന്റെ നേതൃത്വത്തിലുള്ള ഇരുചക്രവാഹന റാലി ആശ്രമം സ്കൂളിൽ രാവിലെ 10ന് യൂണിയൻ പ്രസിഡന്റ് പി.വി.ബിനേഷ് ഫ്ലാഗ് ഓഫ് ചെയ്യും. ബോയ്സ് ഹൈസ്കൂൾ, തെക്കേനട, ഗുരുമന്ദിരം, ബോട്ടുജെട്ടി, കെ.എസ്.ആർ.ടി.സി, മുനിസിപ്പൽ ബസ്റ്റാന്റ്, ടി.കെ.മാധവൻ സ്ക്വയർ, വടക്കേനട, പടിഞ്ഞാറേ ഗോപുരം, കച്ചേരിക്കവല വഴി റാലി ആശ്രമം സ്കൂളിൽ എത്തിച്ചേരും. 11ന് ചതയദിന സമ്മേളനം യൂണിയൻ സെക്രട്ടറി എം.പി.സെൻ ഉദ്ഘാടനം ചെയ്യും. യൂത്ത്മൂവ്മെന്റ് യൂണിയൻ പ്രസിഡന്റ് പി.വി വിവേക് അദ്ധ്യക്ഷത വഹിക്കും. വൈക്കം ഡിവൈ.എസ്.പി എ.ജെ തോമസ് മുഖ്യാതിഥിയാകും. യൂണിയൻ വൈസ് പ്രസിഡന്റ് കെ.വി പ്രസന്നൻ ചതയദിന സന്ദേശം നൽകും. യോഗം അസി.സെക്രട്ടറി പി.പി സന്തോഷ് സംവരണ സംരക്ഷണ പ്രതിജ്ഞ ചൊല്ലിക്കൊടുക്കും. വൈക്കം സി.ഐ. കൃഷ്ണൻ പോറ്റി സമ്മാനദാനം നടത്തും. യൂത്ത്മൂവ്മെന്റ് യൂണിയൻ സെക്രട്ടറി ഇൻചാർജ്ജ് രമേഷ് ആർ.കോക്കാട്ട് സ്വാഗതവും അഖിൽ മാടക്കൽ നന്ദിയും പറയും.