ചെങ്ങന്നൂർ : എസ്.എൻ.ഡി.പി യോഗം ചെങ്ങന്നൂർ യൂണിയനിലെ 6190​ാം നമ്പർ ചെങ്ങന്നൂർ സൗത്ത് ശാഖയിൽ ശ്രീനാരായണ ഗുരുദേവന്റെ പഞ്ചലോഹ വിഗ്രഹപ്രതിഷ്ഠയും ഗുരുമണ്ഡപ സമർപ്പണവും നടന്നു. ഗുരുമണ്ഡപ സമർപ്പണം യൂണിയൻ ചെയർമാൻ അനിൽ അമ്പാടി നിർവ്വഹിച്ചു.ശാഖാ പ്രാർത്ഥനാഹാളിൽ കൂടിയ സമ്മേളനത്തിൽ യൂണിയൻ കൺവീനർ അനിൽ പി.ശ്രീരംഗം അദ്ധ്യക്ഷത വഹിച്ചു. യൂണിയൻ അഡ്.കമ്മറ്റി അംഗം ബി. ജയപ്രകാശ് തൊട്ടാവാടി, ശാഖാ സെക്രട്ടറി ചന്ദ്രബോസ് പി.സി എന്നിവർ സംസാരിച്ചു. ഗുരുമണ്ഡപത്തിൽ ശ്രീനാരായണ ഗുരുദേവന്റെ വിഗ്രഹ പ്രതിഷ്ഠ തന്ത്രി രഞ്ജു അനന്തഭദ്രത്തിന്റെ മുഖ്യകാർമ്മികത്വത്തിൽ നടന്നു. പഞ്ചലോഹ വിഗ്രഹം വഴിപാടായി സമർപ്പിച്ച കരിങ്ങാട്ടിൽ ആരാമം രാജശേഖരനെയും തന്ത്രി രഞ്ജു അനന്തഭദ്രത്തിനെയും, ശില്പി സുരേഷ് ഗണപതിയേയും പൊന്നാട അണിയിച്ച് ആദരിച്ചു. ശാഖാ വൈസ് പ്രസിഡന്റ് സുനിൽ സി. സ്വാഗതവും യൂണിയൻ കമ്മറ്റി അംഗം സജി കെ.പി. നന്ദിയും പറഞ്ഞു.