ചേർത്തല : ഗവ.പോളിടെക്നിക് കോളേജിൽ പൊതുമരാമത്തു വകുപ്പ് നിർമ്മിച്ചു നൽകിയ സ്ത്രീ സൗഹൃദ വിശ്രമ മുറിയുടെ ഉദ്ഘാടനം നാളെ രാവിലെ 9.30ന് മന്ത്റി പി.പ്രസാദ് നിർവഹിക്കും.ചേർത്തല നഗരസഭ ചെയർപേഴ്സൺ ഷേർളി ഭാർഗവൻ അദ്ധ്യക്ഷനാകും.

പ്രതിപക്ഷ നേതാവ് പി.ഉണ്ണിക്കൃഷ്ണൻ,വിദ്യാഭ്യാസ സ്​റ്റാൻഡിംഗ് കമ്മ​റ്റി ചെയർപേഴ്സൺ ഏലിക്കുട്ടി ജോൺ, വാർഡ് കൗൺസിലർ സീമ ഷിബു,പി.​ടി.എ വൈസ് പ്രസിഡന്റ് ബാബു തൈക്കാട്ടുശേരി,സാങ്കേതിക വിദ്യാഭ്യാസ വകുപ്പ് റീജിയണൽ ഡയറക്ടർ കെ.എം.രമേഷ്,പ്രിൻസിപ്പൽ ഹരിലാൽ,എസ്.ആനന്ദ്, വനിതാ സെൽ കോ- ഓർഡിനേ​റ്റർ ലിസ വെ​റ്റ എന്നിവർ പങ്കെടുക്കും.