മാന്നാർ: എസ്.എൻ.ഡി.പി യോഗം കുളഞ്ഞിക്കാരാഴ്മ 3711-ാം നമ്പർ ശാഖായോഗത്തിന്റെയും 1479-ാം നമ്പർ ശാരദ വിലാസം വനിതാസംഘത്തിന്റെയും സംയുക്താഭിമുഖ്യത്തിൽ ഗുരുദേവ മഹാസമാധി ദിനാചരണവും വിശ്വശാന്തി പ്രാർത്ഥനയും അഖണ്ഡനാമ ജപ യജ്ഞവും ശ്രീ നാരായണ ഗുരുദേവന്റെ മഹാസമാധി ദിനമായ 21 ന് ഭക്തി നിർഭരമായ ചടങ്ങുകളോടെ നടത്തും. അന്നേ ദിവസം രാവിലെ 5.30 ന് സമൂഹ പ്രാർത്ഥന, സമാധി ദിനവിശേഷൽ പൂജകൾ എന്നിവയ്ക്കു ശേഷം 7.30ന് ഉപവാസം, വിശ്വശാന്തിപ്രാർത്ഥന, അഖണ്ഡനാമജപ യജ്ഞം എന്നിവയുടെ ഉദ്ഘാടനം ശാഖായോഗം പ്രസിഡന്റ്‌ എം.ഉത്തമൻ ഭദ്രദീപം കൊളുത്തി നിർവഹിക്കും. വൈകിട്ട് 3.20ന് മഹാസമാധി പ്രാർത്ഥന, സമൂഹ പ്രാർത്ഥന, കലശാഭിഷേകം, ഭസ്മാഭിഷേകം, ദീപാരാധന തുടർന്ന് കഞ്ഞിവീഴ്ത്തൽ, അന്നദാനം എന്നിവയും ഉണ്ടാകും. ശാഖായോഗം പ്രസിഡന്റ്‌ എം.ഉത്തമൻ, മേൽശാന്തി പ്രശാന്ത് കണ്ണൻ, വൈസ് പ്രസിഡന്റ്‌ വി. പ്രദീപ്കുമാർ, സെക്രട്ടറി രാധാകൃഷ്ണൻ പുല്ലാമഠത്തിൽ, വനിതാ സംഘം പ്രസിഡന്റ്‌ സുജാ സുരേഷ്, വൈസ് പ്രസിഡന്റ്‌ സുധാ വിവേക്, സെക്രട്ടറി ലതാ ഉത്തമൻ, വിവേകാനന്ദൻ, അശ്വതി വേണുഗോപാൽ, സജിതാ ദാസ്, ഗംഗാധരൻ മരോട്ടീമൂട്ടിൽ തുടങ്ങിയവർ ചടങ്ങുകൾക്ക് നേതൃത്വം നൽകും.