കായംകുളം: കൃഷ്ണപുരത്തെ ആദ്യകാല കോൺഗ്രസ് പ്രവർത്തകനും ദീർഘകാലം എസ്.എൻ.ഡി.പി യോഗം കാപ്പിൽ കിഴക്ക് ശാഖാ പ്രസിഡന്റുമായിരുന്ന അന്തരിച്ച താച്ചേത്തറ മാധവന്റെ സ്മരണ നിലനിർത്തുന്നതിനുവേണ്ടി കുടുംബാംഗങ്ങൾ ചേർന്ന് രൂപീകരിച്ച താച്ചേത്തറ മാധവൻ ഫൗണ്ടേഷന്റെ ആഭിമുഖ്യത്തിൽ കൃഷ്ണപുരം ഗ്രാമപഞ്ചായത്തിൽ ലൈഫ് ലിസ്റ്റിൽ ഉൾപ്പെട്ട 10 ഭൂരഹിത കുടുംബങ്ങൾക്ക് 3 സെന്റ് ഭൂമി വീതം സൗജന്യമായി നൽകുമെന്ന് ഫൗണ്ടേഷൻ ചെയർമാൻ എം.സഹദേവൻ, കൺവീനർ എം.വി. ശ്യാം , വൈസ് ചെയർമാൻ എം.രവീന്ദ്രൻ, ജോ : കൺവീനർ എം.സുരേന്ദ്രൻ എന്നിവർ പറഞ്ഞു.

ഫൗണ്ടേഷൻ ചെയർമാൻ എം.സഹദേവന് കുടുംബ ഓഹരിയായി ലഭിച്ച 30 സെന്റ് വസ്തുവാണ് ലൈഫ് ലിസ്റ്റിൽപ്പെട്ട 10 കുടുംബങ്ങൾക്ക് 3 സെന്റ വീതം നൽകുന്നത് . ലൈഫ് ലിസ്റ്റിൽപ്പെട്ട അപേക്ഷകർ ആധാർ കാർഡ്, റേഷൻ കാർഡ്, തദ്ദേശ സ്വയംഭരണ സ്ഥാപനത്തിലെ സെക്രട്ടറിയുടെ സാക്ഷ്യപത്രം എന്നിവ സഹിതം സെപ്തംബർ 25 നുള്ളിൽ അപേക്ഷ നൽകണം. വിലാസം : എം . സഹദേവൻ.എസ്.എൻ.വില്ല .ഞക്കനാൽ , കൃഷ്ണപുരം പി.ഒ. 690533 , ഫോൺ : 9961364672 .