ആലപ്പുഴ: കണിച്ചുകുളങ്ങര ദേവസ്വത്തിന്റെ ആഭിമുഖ്യത്തിൽ ഗുരുദേവ മഹാസമാധി ദിനാചരണം വിവിധ പരിപാടികളോടെ 21ഗുരുദേവ ക്ഷേത്രസന്നിധിയിൽ നടക്കും. രാവിലെ 8ന് ഗുരുപുഷ്പാഞ്ജലി, 9ന് ദേവസ്വം സെക്രട്ടറി പി.കെ.ധനേശൻ ഭദ്രദീപ പ്രകാശനം നടത്തും. തുടർന്ന് ഗുരുദേവ ഭാഗവതാരായണം, 10.30ന് ബേബി പാപ്പാളിയുടെ നേതൃത്വത്തിൽ ഗുരുദേവ കൃതികളുടെ ആലാപനവും പ്രാർത്ഥനയും, ഉച്ചക്ക് 1.30ന് അങ്കമാലി രമ തങ്കച്ചന്റെ പ്രഭാഷണം, വൈകിട്ട് 3ന് വിവിധ കുടുംബയൂണിറ്റുകളിൽ നിന്നും ശാന്തിയാത്ര ഗുരുദേവ സന്നിധിയിൽ എത്തിച്ചേരും. 3.30ന് സമാധി ഗാനാലാപനവും നടക്കും. പുഷ്പാർച്ചനയോടെ ഉപവാസം സമാപിക്കും.