മാവേലിക്കര : കേരള വിശ്വകർമ്മ സഭ മാവേലിക്കര താലൂക്ക് യൂണിയന്റെ ആഭിമുഖ്യത്തിൽ നടന്ന വിശ്വകർമ്മ ദിനാഘോഷം ശ്രീശുഭാനന്ദാശ്രമം ട്രസ്റ്റ് സെക്രട്ടറി സ്വാമി ഗീതാനന്ദൻ ഉദ്ഘാടനം ചെയ്തു. യൂണിയൻ പ്രസിഡന്റ് എൻ.ഗോപാലകൃഷ്ണൻ അദ്ധ്യക്ഷനായി. സംസ്ഥാന സംഘടനാ സെക്രട്ടറി എൻ.മോഹൻദാസ് വിശ്വകർമ്മദിന സന്ദേശം നൽകി. സംസ്ഥാന സെക്രട്ടറി കെ.സി.വിക്രമ കുമാർ മുഖ്യപ്രഭാഷണം നടത്തി. സാന്ദ്രാ ആനന്ദ്, മഹേശ്വരൻ ആചാരി, എം.ജി.ദേവരാജൻ, സുജ ഗോപാലകൃഷ്ണൻ, സന്ധ്യ ബിജു, മീന രമേശ്, സുരാജ്, ശ്രീജിത്ത്, ലതാ ശ്രീകണ്ഠൻ, വിശ്വനാഥൻ ആചാരി, ബിജു കുമാർ എന്നിവർ സംസാരിച്ചു.