ഹരിപ്പാട്: ശ്രീനാരായണ ഗുരുദേവന്റെ 95 -ാംമത് മഹാ സമാധിദിനം കരുവാറ്റ വടക്ക് ശ്രീനാരായണ ധർമ സേവാ സംഘത്തിന്റെ ആഭിമുഖ്യത്തിൽ ഭക്തി നിർഭരമായി ആചരിച്ചു . വിശേഷാൽ ഗുരുപൂജയ്ക്ക് ശേഷം സംഘം പ്രസിഡന്റ് ദിനു വാലുപറമ്പിൽ ഭദ്രദീപം കൊളുത്തി ഉദ്ഘാടനം നിർവഹിച്ചു. സംഘം ഭക്തവനിതകൾ നടത്തിയ ഉപവാസയജ്ഞം, സമൂഹപ്രാർത്ഥന, ഗുരുദേവ കൃതികളുടെ പാരായണം, ഗുരുഭാഗവത പാരായണം, പ്രത്യേക ഗുരുപൂജക്ക് ശേഷം പ്രസാദ വിതരണം കഞ്ഞിവീഴ്ത്തൽ എന്നിവ നടന്നു. സംഘം ജോ.സെക്രട്ടറികൂടിയായ സുനിൽകുമാർ ശാന്തിയുടെ മുഖ്യകാർമികത്വത്തിൽ നടന്ന ചടങ്ങുകൾക്ക് സെക്രട്ടറി ബി. കുഞ്ഞുമോൻ, വൈസ് പ്രസിഡന്റ് ടി.മോഹൻകുമാർ, ട്രഷറർ കെ.ആർ.രാജൻ, ഭരണ സമിതി അംഗങ്ങളായ യതീന്ദ്രദാസ്, യു.മുരളീധരൻ, ബി.അശോകൻ, വിനോദ് ബാബു, ഗോകുൽ.ജി. ദാസ്, പ്രകാശൻ, ശിശുപാലൻ, ദേവദത്തൻ, ലേഖമനോജ്, പ്രസന്ന ദേവരാജൻ ഉപദേശക സമിതി അംഗങ്ങളായ ഗോപിനാഥൻ, പി.രമേശൻ, സുരേഷ് പടീറ്റടുത്ത്, ആർ.എസ്.രാജൻ, ബി.പുഷ്പാംഗദൻ ആഡിറ്റ് കമ്മിറ്റി അംഗങ്ങളായ കെ. മംഗളൻ, ബി.സന്തോഷ് കുമാർ, സനൽ വിനോദ് തുടങ്ങിയവർ നേതൃത്വം നൽകി.