ചെറുകോൽ: ശ്രീനാരായണ പരമഹംസ ദേവന്റെ 95-ാമത് മഹാസമാധി ദിനാചരണം ഈഴക്കടവ് ധർമ്മാനന്ദ ഗുരുകുലാങ്കണത്തിൽ എ196/77-ാംനമ്പർ ശ്രീനാരായണഗുരു ധർമ്മാനന്ദ ഗുരുകുല സമിതിയുടെ ആഭിമുഖ്യത്തിൽ ആചരിച്ചു. പ്രഭാതപ്രാർത്ഥന, ഹവനം, യജ്ഞം, സമൂഹ പ്രാർത്ഥന, അന്നദാനം എന്നിവയും തുടർന്ന് പൊതുസമ്മേളനവും നടന്നു. സമിതി രക്ഷാധികാരിയും എസ്.എൻ.ഡി.പി യോഗം മാവേലിക്കര യൂണിയൻ മുൻ പ്രസിഡന്റുമായ ഗംഗാധരപണിക്കർ പൊതുസമ്മേളനം ഉദ്ഘാടനം ചെയ്തു. സമിതി പ്രസിഡന്റ് എൻ.ശിവദാസൻ അദ്ധ്യക്ഷത വഹിച്ചു. എസ്.എൻ.ഡി.പി യോഗം യൂത്ത് മൂവ്മെന്റ് കേന്ദ്ര സമിതി അംഗവും സൈബർ സേന കോട്ടയം ജില്ലാ ചെയർമാനുമായ മോട്ടിവേഷണൽ ട്രെയിനർ ബിബിൻ ഷാൻ മുഖ്യപ്രഭാഷണവും ഗുരുകുലാചാര്യൻ ഗംഗാധരൻ സ്വാമി അനുഗ്രഹപ്രഭാഷണവും നടത്തി.സമിതി സെക്രട്ടറി ബി.ബാബു സ്വാഗതവും ട്രഷറർ ബാലൻ.കെ.ചിറയിൽ നന്ദിയും പറഞ്ഞു .