ആലപ്പുഴ: അമ്പലപ്പുഴ നോർത്ത് വില്ലേജിലെ സ്പെഷ്യൽ വില്ലേജ് ഓഫീസർ സന്തോഷ് കുമാർ (49) കുഴഞ്ഞുവീണ് മരിച്ചു. വില്ലേജിൽ നടക്കുന്ന സെൻസസ് സംബന്ധമായ ജോലിയുമായി ബന്ധപ്പെട്ട്‌ ബ്ലോക്ക് മാപ്പ് തയ്യാറാക്കുന്നതിനായി ഫീൽഡിൽ പോയി തിരികെയെത്തി വൈകിട്ട് ആറോടെ ഓഫീസ്‌ അടയ്ക്കുമ്പോഴാണ് സംഭവം. ഉടൻ തന്നെ ആലപ്പുഴ മെഡി. ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സംസ്കാരം പിന്നീട്. ഭാര്യ: ഹിമ. മക്കൾ: ദേവനാരായണൻ, ഹരി കൃഷ്ണൻ.