ചേർത്തല: ചേർത്തല താലൂക്ക് എൻ.എസ്.എസ് യൂണിയന് 2022-23 വർഷത്തേക്ക് 3.39 കോടി വരവും 6,800 രൂപ നീക്കിയിരിപ്പും വരുന്ന ബഡ്ജറ്റിന് അംഗീകാരം.
വർക്കിംഗ് വിമൻസ് ഹോസ്​റ്റലിന് ഒന്നേകാൽ കോടി രൂപവകയിരുത്തിയിട്ടുണ്ട്. നായർ സർവീസ് സൊസൈ​റ്റിയുടെ ഹോട്ടൽ ശൃംഖലയായ പത്മ കഫേ ചേർത്തലയിൽ ആരംഭിക്കാൻ 75 ലക്ഷം നീക്കിവച്ചു.
യൂണിയൻ കെട്ടിടങ്ങളുടെ അ​റ്റകു​റ്റപ്പണികൾക്കായി 30 ലക്ഷം, ജീവകാരുണ്യനിധിയിൽ ഉൾപ്പെടുത്തി ഭവന നിർമ്മാണം, ചികിത്സാ സഹായം, സാന്ത്വനപദ്ധതി, വാർദ്ധക്യകാല പെൻഷൻ പദ്ധതി എന്നിവയ്ക്കായി 14.34 ലക്ഷം, വീടുകളുടെ അ​റ്റകു​റ്റപ്പണികൾക്കായി അഞ്ച് ലക്ഷം, യൂണിയൻ ചികിത്സാ ധനസഹായമായി നാല് ലക്ഷം, വിദ്യാഭ്യാസ എൻഡോവ്‌മെന്റുകൾ, സ്‌കോളർഷിപ്പുകൾ എന്നിവയ്ക്കായി 3.9 ലക്ഷം, മന്നം കലാ സാംസ്‌കാരിക വേദിയുടെ പ്രവർത്തനത്തിനും മന്നം സോഷ്യൽ സർവീസ് സൊസൈ​റ്റിക്കുമായി രണ്ട് ലക്ഷം എന്നിങ്ങനെ വകയിരുത്തിയിട്ടുണ്ട് .യൂണിയൻ സെക്രട്ടറി ബി. ഗോപാലകൃഷ്ണൻ നായർ പ്രവർത്തന റിപ്പോർട്ടും ബഡ്ജ​റ്റും അവതരിപ്പിച്ചു. എൻ.എസ്.എസ് ഡയറക്ടർ ബോർഡ് അംഗവും യൂണിയൻ പ്രസിഡന്റുമായ പ്രൊഫ.ഇലഞ്ഞിയിൽ രാധാകൃഷ്ണൻ അദ്ധ്യക്ഷനായി. യൂണിയൻ വൈസ് പ്രസിഡന്റ് എസ്.മുരളീകൃഷ്ണൻ, ഇൻസ്‌പെക്ടർ എം.കെ.മോഹൻകുമാർ, ഗീതാകുമാർ, എ.അജി, കെ.പി.ഷൺമുഖൻ നായർ,രാജീവ്, ഹരികുമാർ,ഹരീഷ്, ജയകൃഷ്ണൻ,രാകേഷ്, സതീഷ്ബാബു, ജയകുമാരി, കെ.ശശിധരപ്പണിക്കർ,കെ.എൻ.ദേവദാസ് എന്നിവർ സംസാരിച്ചു.