ഹരിപ്പാട്: ജമ്മുവിൽ ഡ്യൂട്ടിക്കിടെ സ്വയം വെടിയുതിർത്തു മരിച്ച സൈനികന്റെ മൃതദേഹം നാട്ടിലെത്തിച്ചു സംസ്കരിച്ചു. കണ്ടല്ലൂർ തെക്ക് തറയിൽ കിഴക്കതിൽ രവിയുടെ മകൻ ആർ. കണ്ണനാണ് കഴിഞ്ഞ ദിവസം (26) മരിച്ചത്. ജമ്മുവിൽ രാഷ്ട്രീയ റൈഫിളിൽ ആയിരുന്നു കണ്ണൻ ജോലി ചെയ്തിരുന്നത്. വ്യാഴാഴ്ച വൈകിട്ട് 6 മണിയോടെയാണ് മേൽ ഉദ്യോഗസ്ഥൻ വീട്ടുകാരെ വിവരം അറിയിച്ചത്. ആത്മഹത്യയുടെ കാരണം വ്യക്തമല്ല. ഓണത്തിന് നാട്ടിലെത്തി 17നാണ് മടങ്ങിയത്. ഭാര്യ:ദേവു. മാതാവ്: പത്മാക്ഷി. സൈനിക സംഘടനകളിലെ അംഗങ്ങളും പൊതുപ്രവർത്തകരും നാട്ടുകാരുമുൾപ്പെടെ നൂറുകണക്കിനു പേർ വീട്ടിലെത്തി അന്ത്യോപചാരമർപ്പിച്ചു.