ചാരുംമൂട് : താമരക്കുളം നാലു മുക്കിൽ വീട്ടിലും കടയിലുമായി വില്പനയ്ക്ക് സൂക്ഷിച്ചിരുന്ന 1000 പാക്കറ്റ് ഹാൻസ് നൂറനാട് പോലീസ് പിടിച്ചെടുത്തു. കടയുടമയെ അറസ്റ്റു ചെയ്തു. ജില്ലാ ഡോഗ് സ്ക്വാഡിന്റെ സഹായത്തോടെ സി.ഐ പി.ശ്രീജിത്തിന്റെ നേതൃത്വത്തിലായി റെയ്ഡിലാണ് താമരക്കുളം മേക്കുംമുറി കുഴിവിള തെക്കതിൽ ഷാജഹാനെ(54) അറസ്റ്റ് ചെയ്തത്. ഇയാളെ പിന്നീട് ജാമ്യത്തിൽ വിട്ടയച്ചു. രണ്ടു ചാക്കുകളിലായാണ് ഹാൻസ് സൂക്ഷിച്ചിരുന്നത്. എസ്.ഐമാരായ നിതീഷ് , ബാബുക്കുട്ടൻ , രാജേഷ്,ജൂനിയർ എസ്.ഐ ദീപു, സി.പി.ഒ മാരായ കൃഷ്ണകുമാർ ,ഷിബു എന്നിവർ റെയ്ഡിൽ പങ്കെടുത്തു.