ആലപ്പുഴ: ജില്ലാ ഫുട്‌ബോൾ അസോസിയേഷന്റെ സഹകരണത്തോടെ മുഹമ്മ മദർതെരേസ സ്‌കൂൾ ഗ്രൗണ്ടിൽ നടന്നുവന്നിരുന്ന ക്യാമ്പ് അവസാനിച്ചു. ഫുട്‌ബോൾ ഡി ലൈസൻസ് പരിശീലകരുടെ ക്യാമ്പിന്റെ സമാപന സമ്മേളനം ജില്ലാ സ്‌പോർട്സ് കൗൺസിൽ സെക്രട്ടറി പ്രദീപ്കുമാർ ഉദ്ഘാടനം ചെയ്തു. ജില്ലാ ഒളിമ്പിക് അസോസിയേഷൻ സെക്രട്ടറി സി.ടി.സോജി മുഖ്യാതിഥിയായി . വൈസ് പ്രസിഡന്റ് കെ.എ.വിജയകുമാർ അദ്ധ്യക്ഷത വഹിച്ചു. പരിശീലകൻ സെയ്ദ് അൽതാഫുദ്ദീൻ അഹമ്മദ് ക്യാമ്പിന് നേതൃത്വം നൽകി. യോഗത്തിൽ സെക്രട്ടറി ബി.എച്ച്.രാജീവ് സ്വാഗതവും ക്യാമ്പ് കോ ഓർഡിനേറ്റർ അലി നന്ദിയും പറ‌ഞ്ഞു.