ചേർത്തല : പട്ടണക്കാട്, ചേർത്തല, കുത്തിയതോട് പൊലീസ് സ്​റ്റേഷനുകളിൽ നിരവധി കേസുകളിൽ പ്രതിയായ കടക്കരപ്പള്ളി പഞ്ചായത്ത് 13ാം വാർഡ് തൈക്കൽ ഓരാഞ്ചുപറമ്പ് വിഷ്ണുവിനെ (23) കാപ്പാ നിയമപ്രകാരം അറസ്​റ്റുചെയ്തു. 2021ൽ കാപ്പാ നിയമപ്രകാരമുള്ള ഉത്തരവ് ലംഘിച്ചതിനു ജയിലിലടച്ചിരുന്നു.ജയിൽ മോചിതനായ ശേഷം,പട്ടണക്കാട് പൊലീസ് സ്​റ്റേഷനിൽ വധശ്രമ കേസിൽ പ്രതിയായതിനെ തുടർന്നാണ് വീണ്ടും വിഷ്ണുവിനെതിരെ പട്ടണക്കാട് പൊലീസ് ജില്ലാ പൊലീസ് മേധാവിക്ക് റിപ്പോർട്ട് നൽകിയത്.