ചെങ്ങന്നൂർ : ഗുരുദേവ ദർശനവും ഗുരുവിന്റെ ഈശ്വരീയതയും കുടുംബഭദ്രതയും ജനഹൃദയങ്ങളിലെത്തിക്കുകയെന്ന ലക്ഷ്യത്തോടെ എസ്.എൻ.ഡി.പി യോഗം ചെങ്ങന്നൂർ യൂണിയന്റെ പരിധിയിലുള്ള മുഴുവൻ ശാഖകളിലും ശ്രീനാരായണ കൺവൻഷൻ സംഘടിപ്പിക്കുമെന്ന് യൂണിയൻ കൺവീനർ അനിൽ പി. ശ്രീരംഗം പറഞ്ഞു.
3638ാം നമ്പർ തിങ്കളാമുറ്റം ശാഖയുടെ ആഭിമുഖ്യത്തിലുള്ള ഒന്നാമത് തിങ്കളാമുറ്റം ശ്രീനാരായണ കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. ശാഖാ വക ഓഡിറ്റോറിയത്തിൽ നടന്ന ചടങ്ങിൽ ബ്ലോക്ക് പഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർമാനും യൂണിയൻ അഡ്.കമ്മിറ്റിയംഗവുമായ കെ.ആർ.മോഹനൻ അദ്ധ്യക്ഷത വഹിച്ചു. പുലിയൂർ ഗ്രാമ പഞ്ചായത്ത് പ്രസിഡന്റ് എം.ജി. ശ്രീകുമാർ, ഗ്രാമപഞ്ചായത്തംഗങ്ങളായ രതി സുഭാഷ്, സജികുമാർ വി.എസ്., യൂണിയൻ അഡ്. കമ്മിറ്റിയംഗങ്ങളായ എസ്. ദേവരാജൻ , സുരേഷ് വല്ലന, അനിൽ കണ്ണാടി, ശാഖ സെക്രട്ടറി വി.ജി.ഗോപിനാഥൻ, വൈദികയോഗം ചെങ്ങന്നൂർ യൂണിയൻ സെക്രട്ടറി ജയദേവൻ ശാന്തി, വനിതാസംഘം ശാഖ പ്രസിഡന്റ് പൊന്നമ്മ രാമചന്ദ്രൻ, വൈസ് പ്രസിഡന്റ് സതി ഗോപിനാഥൻ, സെക്രട്ടറി സരസമ്മ ചെല്ലപ്പൻ , യൂത്ത് മൂവ്‌മെന്റ് ശാഖാ പ്രസിഡന്റ് അനന്തകൃഷ്ണൻ, വൈസ് പ്രസിഡന്റ് അർജ്ജുൻ , സെക്രട്ടറി മീനു മോഹൻ , ജോ.സെക്രട്ടറി വൃന്ദ സുഭാഷ് , ട്രഷറർ അക്ഷയ് പ്രസന്നൻ എന്നിവർ സംസാരിച്ചു. യൂണിയൻ അഡ് കമ്മിറ്റിയംഗം ജയപ്രകാശ് തൊട്ടാവാടി സ്വാഗതവും ശാഖ വൈസ് പ്രസിഡന്റ് സേതുനാഥപ്പണിക്കർ നന്ദിയും പറഞ്ഞു.
ഗുരുസാക്ഷാൽ പരബ്രഹ്മം എന്ന വിഷയത്തിൽ വിജയലാൽ നെടുംകണ്ടം പ്രഭാഷണം നടത്തി. ഇന്ന് വൈകിട്ട് 7ന് ദൈവദശകത്തിന്റെ കാലിക പ്രസക്തി എന്ന വിഷയത്തിൽ ആശാ പ്രദീപും, സമാപന ദിവസമായനാളെ രാവിലെ 10ന് ഗുരുദേവന്റെ ക്ഷേത്ര സങ്കൽപ്പം എന്ന വിഷയത്തിൽ ബിജു പുളിക്കേടത്തും വൈകിട്ട് 7ന് ഗുരുദർശനം നിത്യജീവിതത്തിൽ എന്ന വിഷയത്തിൽ വൈക്കം മുരളിയും പ്രഭാഷണം നടത്തും.