തൃക്കാക്കര: തൃക്കാക്കര സാംസ്കാരിക കേന്ദ്രം ഓണാഘോഷത്തോടനുബന്ധിച്ച് മാവേലിപുരം ഓണം പാർക്കിൽ ജില്ലാതല മത്സരങ്ങൾക്ക് ഇന്ന് തുടക്കമാകും. വൈകിട്ട് 4 മണിക്ക് മാവേലി മത്സരം സംഘടിപ്പിക്കും.തുടർന്നുള്ള ദിവസങ്ങളിൽ തിരുവാതിര കളി, ഒപ്പന, നാടൻപാട്ട് (ഗ്രൂപ്പ് ) എന്നീ ഇനങ്ങളിൽ മത്സരം നടക്കും. സെപ്തംബർ 11 വരെ മത്സരങ്ങൾ തുടരും. വിജയികൾക്ക് കാഷ് അവാർഡും ട്രോഫിയും നൽകുമെന്ന് ചീഫ് കോ-ഓർഡിനേറ്റർ പോൾ മേച്ചേരി അറിയിച്ചു.