പറവൂർ: എസ്.എൻ.ഡി.പി യോഗം പറവൂർ യൂണിയന്റെ ആഭിമുഖ്യത്തിൽ ശ്രീനാരായണഗുരുദേവന്റെ 168-ാം ജയന്തിയാഘോഷങ്ങളുടെ ഭാഗമായുള്ള ശ്രീനാരായണ ദിവ്യജ്യോതി പര്യടനം ഇന്ന് ചിറ്റാറ്റുകര മേഖലയിൽ പ്രയാണം നടക്കും. മനയ്ക്കപ്പടി ശാഖയിൽ നിന്ന് രാവിലെ പത്തിന് പര്യടനം ആരംഭിക്കും. 11ന് ചെറിയപല്ലംതുരുത്ത്, 11.15ന് പറയകാട്, 11.30ന് കൂട്ടുകാട്, 11.45ന് ആളംതുരുത്ത്, 12.15ന് നീണ്ടൂർ, 2ന് പൂയപ്പിള്ളി, 2.30ന് ചിറ്റാറ്റുകര, 3ന് പട്ടണം, 3.30ന് കുഞ്ഞിത്തൈ, 4ന് കട്ടതുരുത്ത് - ഒറവൻതുരുത്ത്, 4.30ന് മാച്ചാംതുരുത്ത്, 5ന് ചക്കുമരശ്ശേരി, 5.30ന് തുരുത്തിപ്പുറം ശാഖയിൽ സമ്മേളനത്തോടെ സമാപനം.

ഇന്നലെ പറവൂർ ടൗൺ വെസ്റ്റ് ശാഖയിൽ നിന്ന് ആരംഭിച്ച് കെടാമംഗലം ശാഖയിൽ സമാപിച്ചു. പതിമൂന്ന് ശാഖകളിലും നിരവധി കേന്ദ്രങ്ങളിലും ദിവ്യജ്യോതി സ്വീകരണം നൽകി. യൂണിയൻ സെക്രട്ടറി ഹരി വിജയൻ, പ്രസിഡന്റ് സി.എൻ. രാധാകൃഷ്ണൻ, വൈസ് പ്രസിഡന്റ് ഷൈജു മനയ്ക്കപ്പടി, യോഗം ഇൻസ്പെക്ടിംഗ് ഓഫീസർ ഡി.ബാബു, യൂണിയൻ കൗൺസിലർമാരായ കണ്ണൻ കുട്ടുകാട്, ഡി. പ്രസന്നകുമാർ, ടി.എം. ദിലീപ്, ടി.പി. കൃഷ്ണൻ എന്നിവരും വനിതാസംഘം, യൂത്ത് മൂവ്മെന്റ് ഭാരവാഹികളും നേതൃത്വം നൽകി.