ആലുവ: ജില്ലാ പൊലീസ് ആസ്ഥാനത്ത് ഓണാഘോഷം ജില്ലാ പൊലീസ് മേധാവി വിവേക് കുമാർ ഉദ്ഘാടനം ചെയ്തു. അഡീഷണൽ എസ്.പി കെ.എം. ജിജിമോൻ, ഡിവൈ.എസ്.പിമാരായ പി.പി. ഷംസ്, എം.കെ. മുരളി, ഡി.പി.ഒ ഉദ്യോഗസ്ഥരായ എൻ. രാജൻ, വിനോദ് എം. മാത്യു, പി.വി. രതീഷ്, കെ.കെ. ജെറോം എന്നിവർ നേതൃത്വം നൽകി. മത്സരങ്ങളും, കലാപരിപാടികളും നടന്നു.
ഒറ്റപ്പെട്ട അമ്മമാർക്കൊപ്പം ഓണമാഘോഷിച്ച് ജനമൈത്രി പൊലീസ്
ആലുവ: വാർദ്ധക്യത്തിൽ ഒറ്റപ്പെട്ടുപോയ അമ്മമാർക്കൊപ്പം ഓണമാഘോഷിച്ച് ആലുവ ജനമൈത്രി പൊലീസിന്റെ മാതൃക. തോട്ടക്കാട്ടുകരയിലെ 'സുകൃത'ത്തിലെ അമ്മമാർക്ക് ഒപ്പമാണ് കരുതലും സ്‌നേഹവുമായി പൊലീസെത്തിയത്. കളിയും ചിരിയും പാട്ടും ആഘോഷവുമൊക്കെയായി ഒരുപകൽ ഒത്തുകൂടി. ജില്ലാ പൊലീസ് മേധാവി വിവേക് കുമാർ അമ്മമാർക്ക് ഓണക്കോടി വിതരണം ചെയ്തു. ഓണസദ്യയും ഒരുക്കിയിരുന്നു. ഡിവൈ.എസ്.പി പി.കെ. ശിവൻകുട്ടി, ഇൻസ്‌പെക്ടർ എൽ. അനിൽകുമാർ, എസ്.ഐമാരായ കെ.കെ. ജോർജ്, കെ.എസ്. വാവ, ശ്രീകുമാർ, സുധീർകുമാർ തുടങ്ങിയവർ നേതൃത്വം നൽകി.