മൂവാറ്റുപുഴ: പ്രമുഖ പത്രപ്രവർത്തകൻ കി​ഴക്കേക്കര ശിവദം (ആണ്ടൂർ) വീട്ടിൽ എ.ജി. ബാബു (63) അന്തരിച്ചു. കേരളകൗമുദി പത്രത്തിലും വാരികയിലും പ്രവർത്തിച്ചിട്ടുണ്ട്. ദൂരദർശന്റെ ആദ്യ മലയാളം ഫിനാൻഷ്യൽ റിവ്യൂ - അർത്ഥവിചാരം, നിരവധി ശ്രദ്ധേയങ്ങളായ അഭിമുഖങ്ങൾ എന്നിവ ചെയ്തു. അനിമൽ വെൽഫെയർ ബോർഡ് ഒഫ് ഇന്ത്യ അംഗമായും സേവനമനുഷ്ഠിച്ചു. ഡോ. ബി.ആർ. അംബേദ്കറുടെ 'പാകിസ്ഥാൻ അല്ലെങ്കിൽ ഇന്ത്യ വിഭജനം" എന്ന പുസ്തകം പരിഭാഷപ്പെടുത്തി. ഇന്ത്യൻ എക്സ്പ്രസിലെഴുതിയ ലേഖനത്തിന് ഐക്യരാഷ്ട്ര സഭയുടെ ലഹരി പ്രതിരോധ പരിപാടി (1991-2000) യുടെ ഭാഗമായ പുരസ്കാരം ലഭിച്ചി​ട്ടുണ്ട്. കേരളത്തിലെ ലഹരി വ്യാപാരത്തെക്കുറിച്ചുള്ള പരമ്പരയ്ക്ക് മികച്ച പത്രപ്രവർത്തകനുള്ള പുരസ്കാരവും നേടിയിരുന്നു. ഭാര്യ: ലൗലി (റിട്ട. അദ്ധ്യാപിക). മക്കൾ: അനഘ (അസോ. പ്രൊഫസർ, ക്രൈസ്റ്റ് കോളേജ്, ബംഗളൂരു), അഗസ്ത്യ (അപ്പു - ആസ്ട്രേലിയ).