അങ്കമാലി: ഡി പോൾ ഇൻസ്റ്റിറ്റ്യൂട്ട് ഒഫ് സയൻസ് ആൻഡ് ടെക്നോളജിയിലെ സാമൂഹ്യ സേവന വിഭാഗവും ഹെൽപ്പ് ഏജ് ഇന്ത്യയും ചേർന്ന് അന്താരാഷ്ട്ര യുവജന ദിനാഘോഷത്തിന്റെ ഭാഗമായി വിവിധ പരിപാടികൾ സംഘടിപ്പിച്ചു. വയോജനങ്ങളെ സമൂഹത്തിന്റെ ഭാഗമായി ചേർത്തുനിർത്തുന്നതിന്റെ ആവശ്യകത വിദ്യാർത്ഥികൾ മനസിലാക്കുന്നതിന് പോസ്റ്റർ മേക്കിംഗ് മത്സരവും സിഗ്നേച്ചർ കാമ്പയിനും നടത്തിയാണ് യുവജനദിനം ആചരിച്ചത്. പ്രിൻസിപ്പൽ ഫാ.ഡോ.ജോൺ മംഗലത്, സോഷ്യൽ വർക്ക്‌ ഡിപ്പാർട്ട്മെന്റ് എച്ച്.ഒ.ടി ഡോ.ജെസി ജോൺ, എൻ.ജി.ഒ കോ ഓർഡിനേറ്റർ റോബിൻ മോൻ വർഗീസ് എന്നിവർ യുവജനദിന സന്ദേശം നൽകി. സ്റ്റുഡൻസ് കോ ഓർഡിനേറ്റർമാരായ ലിജോ ഫിലിപ്പ്,ഡെൽന വിൽസൺ, വി.കെ. കരീന, ബേസിൽ എൽദോ എന്നിവർ നേതൃത്വം നൽകി.