കൂത്താട്ടുകുളം: ക്ഷേത്രത്തിലെ വിശേഷാൽ പൂജകൾ, ഗുരുപൂജ,​ ഗുരുദേവ കൃതികളുടെ പാരായണം, രഥ ഘോഷയാത്ര,അന്നദാനം തുടങ്ങിയ പരിപാടികളോടെ കൂത്താട്ടുകുളത്ത് ശ്രീനാരായണഗുരുദേവ ജയന്തി ആഘോഷിക്കും. ചതയ ദിനാഘോഷങ്ങളുടെ യൂണിയൻ തല ഉദ്ഘാടനം നടത്തും. രാവിലെ 9.30ന് ക്ഷേത്രത്തിൽ നിന്ന് ആരംഭിക്കുന്ന രഥ ഘോഷയാത്ര പീതപതാക വീശി യൂണിയൻ പ്രസിഡന്റ് പി.ജി.ഗോപിനാഥ് ഉദ്ഘാടനം ചെയ്യും. യൂണിയൻ സെക്രട്ടറി സി.പി.സത്യൻ ചതയദിന സന്ദേശം നൽകും. വൈസ് പ്രസിഡന്റ് പി.കെ.അജിമോൻ, ഡി.സാജു എം.പി.ദിവാകരൻ പി.എം.മനോജ്, വനിതാ സംഘം,​ യൂത്ത് മൂവ്മെന്റ്,​ സൈബർ സേന തുടങ്ങിയ വിവിധ പോഷക സംഘടനാ ഭാരവാഹികൾ തുടങ്ങിയവർ പങ്കെടുക്കും. ശ്രീനാരായണ ധർമ്മപരിപാലനയോഗം 224-ാം നമ്പർ കൂത്താട്ടുകുളം ശാഖയുടെ നേതൃത്വത്തിൽ ക്ഷേത്രാങ്കണത്തിൽ നിന്ന് ആരംഭിക്കുന്ന ഘോഷയാത്ര മംഗലത്തുതാഴം അമ്പലക്കുളം റോഡ് വഴി സെൻട്രൽ ജംഗ്ഷനിൽ എത്തിച്ചേർന്ന് രാമപുരം കവല വഴി ക്ഷേത്രാങ്കണത്തിൽ സമാപിക്കുന്നതാണെന്ന് ശാഖാ കമ്മിറ്റിക്കുവേണ്ടി പ്രസിഡന്റ് വി.എൻ.രാജപ്പൻ. വൈസ് പ്രസിഡന്റ് പി.എൻ. സലിംകുമാർ,​ സെക്രട്ടറി തിലോത്തമ ജോസ് എന്നിവർ അറിയിച്ചു.