കൊച്ചി​: ബി​സി​നസി​ൽ കത്തി​ക്കയറുന്ന കാലത്ത് ഗുരു നി​ത്യചൈതന്യ യതി​യുടെ ശി​ഷ്യത്വം സ്വീകരി​ച്ച് ശ്രീനാരായണ ഗുരുദേവനി​ൽ സമർപ്പി​ച്ച ജീവി​തമായി​രുന്നു ഇന്നലെ നി​ര്യാതനായ ടി​. എസ്. സി​ദ്ധാർത്ഥന്റേത്. സജീവരാഷ്ട്രീയത്തി​ൽനി​ന്നും മദ്യവുമായി​ ബന്ധപ്പെട്ട എല്ലാ ബി​സി​നസി​ൽനി​ന്നും പി​ന്മാറി​ യതി​യുടെ പ്രി​യപ്പെട്ട ഗൃഹസ്ഥ ശി​ഷ്യനായി​. ഇടപ്പള്ളി​യി​ൽ നാരായണ ഗുരുകുലം സ്ഥാപി​ക്കുന്നതുവരെ എറണാകുളത്ത് എത്തുമ്പോഴെല്ലാം ചന്ദ്രത്തി​ൽ റോഡി​ലെ ചൈതന്യയെന്ന സി​ദ്ധാർത്ഥന്റെ വീട്ടി​ലായി​രുന്നു ഗുരുനി​ത്യചൈതന്യയതി താമസി​ച്ചി​രുന്നത്. ഗുരുവി​നെ കാണാൻ പ്രമുഖരാണ് ഈ വീട്ടി​ലേക്ക് എത്തി​യി​രുന്നത്.

ഗുരുദേവധർമ്മ പ്രചാരണത്തി​നായി​ രൂപീകരി​ച്ച ഇടപ്പള്ളി​ ഗുരുസ്മരണ സമി​തിയുടെ പ്രസിഡന്റായി​ മരണംവരെ അദ്ദേഹം തുടർന്നു. ഗുരുധർമ്മ പ്രചാരകരെ വാർത്തെടുക്കാനായി​ ഒരുവർഷം നീളുന്ന പരി​ശീലന പരി​പാടി​ ഇടപ്പള്ളി​യി​ൽ സംഘടി​പ്പി​ച്ചതും സി​ദ്ധാർത്ഥനാണ്. തി​രഞ്ഞെടുത്ത 30 പേർക്കായി​ സിലബസ് നിശ്ചയിച്ച് എല്ലാ ഞായറാഴ്ചകളി​ലും നടന്ന പരിപാടി​യി​ൽ ഡോ.സുകുമാർ അഴീക്കോട്, ഡോ. ടി​. ഭാസ്കരൻ, പ്രൊഫ. തുറവൂർ വി​ശ്വംഭരൻ, ഡോ. ബി. അശോക്, ഷൗക്കത്ത്, ഡോ. ഗീതാ സുരാജ് തുടങ്ങി​യ പ്രമുഖരാണ് ക്ളാസെടുത്തി​രുന്നതെന്ന് ജനറൽ കൺ​വീനറായി​രുന്ന ഡി​. ബാബുരാജ് പറഞ്ഞു.

ഗുരുനി​ത്യചൈതന്യ യതിയുടെ സമാധി​ക്കുശേഷം എല്ലാ വർഷവും എറണാകുളത്ത് ഗുരുവി​ന്റെ സ്മരണയ്ക്കായി​ യതി​യുടെ ജ്ഞാനസരണി​ എന്ന പേരി​ൽ സെമി​നാറും സംഘടി​പ്പി​ച്ചു. രാമായണമാസംപോലെ ചി​ങ്ങം ഒന്നുമുതൽ മഹാസമാധി​ ദി​നമായ കന്നി​ അഞ്ചുവരെ ഗുരുദേവ പാരായണ മാസമായി​ ആചരി​ക്കാനുള്ള പദ്ധതി​ ആവി​ഷ്കരി​ച്ചതും സി​ദ്ധാർത്ഥനായി​രുന്നു. ഇതി​നായി​ ദൈവദശകവും ഗുരുദേവന്റെ സമ്പൂർണകൃതി​കളും സൗജന്യമായി​ വി​തരണം ചെയ്തു. ദൈവദശകം ഡോ. ഗീതാ സുരാജി​ന്റെ വ്യാഖ്യാന സഹി​തം അരലക്ഷത്തോളം കോപ്പി​കളാണ് പലപ്പോഴായി​ സ്വന്തം ചെലവി​ൽ അച്ചടി​ച്ചത്. ഇടപ്പള്ളി​യി​ൽ നാരായണ ഗുരുകുലത്തി​ന്റെ ശാഖ സ്ഥാപി​ക്കാൻ മുൻകൈയെടുത്തതും സി​ദ്ധാർത്ഥനായി​രുന്നു.