കളമശേരി: രാജഗിരി ഹയർ സെക്കൻഡറി സ്കൂളിന്റെ ആഭിമുഖ്യത്തിലെ ഫാബുല 2022 നാളെ ഉച്ചയ്ക്ക് റൂറൽ എസ്.പി വിവേക് കുമാർ ഉദ്ഘാടനം ചെയ്യും. ഫാ.വർഗീസ് കാച്ചപ്പിള്ളി അദ്ധ്യക്ഷത വഹിക്കും. അദ്ധ്യാപക-രക്ഷകർതൃ- വിദ്യാർത്ഥി കൂട്ടായ്മയാണ് ഫാബുല. രാജഗിരി സ്കൂൾ സ്ഥാപകൻ ഫാ.ഫ്രാൻസിസ് സാലസിന്റെ ഓർമയ്ക്കായുള്ള ഇന്റർ സ്കൂൾ ബാസ്കറ്റ്ബാൾ ടൂർണമെന്റ്. തെക്കേയിന്ത്യയിലെ 28 ടീമുകളും വിവിധ സ്കൂളുകളിൽ നിന്ന് 12 ടീമുകളും ഉൾപ്പെടുന്ന ഫുട്ബാൾ ചാമ്പ്യൻഷിപ്പ്,​ ആയിരത്തോളം കുട്ടികൾ പങ്കെടുക്കുന്ന കലാ മത്സരങ്ങൾ എന്നിവ പരിപാടിയുടെ ഭാഗമാകും. പ്രശസ്ത സംവിധായകൻ വിനയൻ, മകൻ വിഷ്ണു,​ കസ്റ്റംസ് സൂപ്രണ്ട് വിവേക് വാസുദേവൻ നായർ , സംവിധായകൻ വിനയ് കുമാർ, തുടങ്ങിയവരും സംബന്ധിക്കും.

വാർത്താസമ്മേളനത്തിൽ പ്രിൻസിപ്പൽ ഫാ.മാർട്ടിൻ മുണ്ടാടൻ, വൈസ് പ്രിൻസിപ്പൽ ഫാ.ജയിംസ് എർണാട്ട്, പി.ടി.എ വൈസ് പ്രസിഡന്റ് അജിത് കുമാർ, മദർ പി.ടി.എ പ്രസിഡന്റ് ഷെൽമ ജോസഫ് എന്നിവർ പങ്കെടുത്തു.