കുറുപ്പംപടി : അശമന്നൂർ ഗ്രാമപഞ്ചായത്ത്‌ കല്ലിൽ പതിനൊന്നാം വാർഡ് തല സമിതിയും കുടുംബശ്രീ എ.ഡി.എസ് കമ്മിറ്റിയും സംയുക്തമായി ഓണത്തോടനുബന്ധിച്ച് ഒരുമയോടെ ഒരോണം - 2022 സംഘടിപ്പിച്ചു. കൂവപ്പടി ബ്ലോക്ക്‌ പഞ്ചായത്ത്‌ പ്രസിഡന്റ്‌ ബേസിൽ പോൾ പൊതുസമ്മേളനം ഉദ്ഘാടനം ചെയ്തു. വാർഡ് അംഗം
ജിജു ജോസഫ് അദ്ധ്യക്ഷത വഹിച്ചു.
പൂക്കള മത്സരത്തിന്റെ വിജയികൾക്കുള്ള സമ്മാനദാനവും വാർഡിലെ എസ്.എസ്.എൽ.സി പ്ലസ്ടു പരീക്ഷയിൽ ഉന്നത വിജയം നേടിയ കുട്ടികൾക്കുള്ള അവാർഡ് വിതരണം ബ്ലോക്ക്‌ പഞ്ചായത്ത്‌ സ്റ്റാൻഡിംഗ് കമ്മിറ്റി ചെയർമാൻ എൻ.എം. സലിം നിർവ്വഹിച്ചു. വിവിധ മത്സര വിജയികൾക്കുള്ള സമ്മാന ദാനം പഞ്ചായത്ത്‌ വൈസ് പ്രസിഡന്റ്‌ ജോബി ഐസക്കും സി.ഡി.എസ് ചെയർപേഴ്സൺ ലൈല അബ്‌ദുൾ ഖാദറും വിതരണം ചെയ്തു. ഗ്രാമപഞ്ചായത്ത്‌ അംഗങ്ങളായ പി.കെ. ജമാൽ, പി.പി. രഘുകുമാർ, മുൻ പഞ്ചായത്ത്‌ വൈസ് പ്രസിഡന്റ്‌ സുജു ജോണി, കല്ലിൽ സ്കൂൾ പി.ടി.എ പ്രസിഡന്റ്‌ എം.എസ്. സന്തോഷ്‌, കല്ലിൽ പബ്ലിക്‌ ലൈബ്രറി സെക്രട്ടറി പി.കെ. ഉദയനൻ, വാർഡ്തല സമിതി കൺവീനർ സജി കുര്യാക്കോസ്, എ.ഡി.എസ് ചെയർപേഴ്സൺനീതു രഞ്ജിത് എന്നിവർ പ്രസംഗിച്ചു.