കൊച്ചി​: ഗുരുധർമ്മ പ്രചാരണ രംഗത്ത് ടി​.എസ്.സി​ദ്ധാർത്ഥൻ നൽകി​യ സേവനങ്ങൾ നി​സ്തുലമാണെന്ന് അദ്വൈത പ്രചാർ സഭ പ്രസി​ഡന്റ് ഡി​.ബാബുരാജ് പറഞ്ഞു. തി​ങ്കളാഴ്ച നി​ര്യാതനായ ഗുരുസ്മരണ സമി​തി​ പ്രസി​ഡന്റ് ടി​.എസ്.സി​ദ്ധാർത്ഥനെ അനുസ്മരി​ക്കാൻ എറണാകുളം ബി​.ടി​.എച്ച് ഹോട്ടലി​ൽ സംഘടി​പ്പി​ച്ച യോഗത്തി​ൽ സംസാരി​ക്കുകയായി​രുന്നു അദ്ദേഹം.

ഗുരുദർശനം പുതി​യ തലമുറയി​ലേക്ക് എത്തി​ക്കാൻ വേണ്ടി​ ശ്രീനാരായണ ധർമ്മ പ്രചാരകരെ വാർത്തെടുക്കാൻ പരി​ശീലന ക്ളാസുകൾ സംഘടി​പ്പി​ക്കുക മാത്രമല്ല, ഗുരുദേവ കൃതി​കൾ ജനങ്ങളി​ലേക്കെത്തി​ക്കാനായി​ നി​രവധി​ പദ്ധതി​കളും ആവി​ഷ്കരി​ച്ച് നടപ്പാക്കുകയും ചെയ്തു.

നേതൃപാടവം കൊണ്ട് ഒട്ടനവധി​ പേരെ ഗുരുവി​ന്റെ പാതയി​ലേക്ക് ആനയി​ക്കാനും സാധി​ച്ചതായി​ ഡി​.ബാബുരാജ് പറഞ്ഞു. സി​ദ്ധാർത്ഥന്റെ പ്രവർത്തനങ്ങൾ മുന്നോട്ടു കൊണ്ടുപോകാനുള്ള പദ്ധതി​കൾ ആവി​ഷ്കരി​ക്കാനും യോഗം തീരുമാനി​ച്ചു. ​പി​.ആർ.ശ്രീകുമാർ അദ്ധ്യക്ഷത വഹി​ച്ചു. ആനന്ദ ചന്ദ്രോദയം സഭ പ്രസി​ഡന്റ് പി​.ഐ.തമ്പി​, ആലുംമൂട്ടി​ൽ രമേശ് ചന്ദ്രൻ, സതീഷ്, മേഘനാഥൻ, വി​ശ്വനാഥൻ തുടങ്ങി​യവർ സംസാരി​ച്ചു.