നെടുമ്പാശേരി: കുന്നുകര ഗ്രാമപഞ്ചായത്തിൽ പൊതുജനങ്ങളുമായി ബന്ധപ്പെട്ട വിവിധ പരാതികൾ പരിഹരിക്കുന്നതിനായി മന്ത്രി പി. രാജീവിന്റെ നേതൃത്വത്തിൽ പബ്ലിക് സ്‌ക്വയർ സംഘടിപ്പിച്ചു. പഞ്ചായത്ത്, വില്ലേജ് ഓഫീസ്, കൃഷി ഓഫീസ്, ആരോഗ്യ വിഭാഗം തുടങ്ങിയ വിവിധ വകുപ്പുകളിലെ ഉദ്യോഗസ്ഥരും പങ്കെടുത്തു. പൊതുജനങ്ങളുടെ പരാതികൾ മന്ത്രി നേരിട്ട് വാങ്ങുകയും അപ്പോൾ തന്നെ പരിശോധിച്ച് ബന്ധപ്പെട്ട വകുപ്പ് ഉദ്യോഗസ്ഥരുമായി സംസാരിച്ച് അടിയന്തര നടപടിക്ക് നിർദ്ദേശം നൽകി.

70 ഓളം പേരാണ് പരാതികളുമായെത്തിയത്. ഉദ്യോഗസ്ഥർ സന്നിഹിതരല്ലാത്ത വകുപ്പുകളുമായി ബന്ധപ്പെട്ട പരാതികൾ അതാത് വിഭാഗങ്ങളിലെ ഉദ്യോഗസ്ഥരുമായി ഫോണിൽ ബന്ധപ്പെട്ട് പരിഹാരത്തിന് നിർദ്ദേശം നൽകി. പഞ്ചായത്ത് പ്രസിഡന്റ് സൈന ബാബു, വൈസ് പ്രസിഡന്റ് എം.എ. അബ്ദുൽ ജബ്ബാർ, ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ സി.എം. വർഗീസ്, പഞ്ചായത്ത് സ്ഥിരം സമിതി അദ്ധ്യക്ഷൻ ഷിബി പുതുശ്ശേരി, ബ്ലോക്ക് പഞ്ചായത്ത് അംഗം സി.കെ. കാസിം, പഞ്ചായത്ത് അംഗങ്ങളായ യദു കൃഷ്ണൻ, പി.വി. ഉണ്ണിക്കൃഷ്ണൻ, വി.ബി. ഷെഫീഖ്, ബീന ജോസ്, രമ്യ സുനിൽ, സുധാ വിജയൻ, എ.ബി. മനോഹരൻ, ജയ്‌സൺ, സെക്രട്ടറി അഫ്‌സൽരാജ്, എൽ.എസ്.ജി.ഡി എ.ഇ കൃഷ്ണകുമാർ, കൃഷി ഓഫീസർ സാബിറാ ബീവി, വില്ലേജ് ഓഫീസർ ജയ, രാഷ്ട്രീയ പാർട്ടി നേതാക്കന്മാർ തുടങ്ങിയവർ പങ്കെടുത്തു.