കാലടി: അയ്യമ്പുഴ ഗ്രാമ പഞ്ചായത്ത് ചുള്ളി ഗവ.എൽ.പി സ്ക്കൂളിൽ നടപ്പാക്കുന്ന പ്രഭാത ഭക്ഷണം പദ്ധതി ഗ്രാമ പഞ്ചായത്ത് പ്രസിഡന്റ് പി.യു.ജോമോൻ ഉദ്ഘാടനം ചെയ്തു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ടിജോ ജോസഫ് അദ്ധ്യക്ഷത വഹിച്ചു. വൈസ് പ്രസിഡന്റ് ബിൽസി പി. ബിജു, അംഗങ്ങളായ ശ്രുതി സന്തോഷ്, ജാൻസി ജോണി, വർഗീസ് മാണിക്യത്താൻ, റിജി ഫ്രാൻസിസ്, പഞ്ചായത്ത് സെക്രട്ടറി സി. മണികണ്ഠൻ, നൂൺ മീൽ ഓഫീസർ സുരേഷ്,​ ഹെഡ്മിസ്ട്രസുമാരായ ജിഷ, ലാലി, പി.ടി.എ പ്രസിഡന്റ്

റെജി ബിജു എന്നിവർ സംസാരിച്ചു. സ്കൂളിലെ മുഴുവൻ കുട്ടികൾക്കും പ്രഭാത ഭക്ഷണം നൽകുന്നതാണ് പദ്ധതി. എല്ലാ ദിവസവും കുട്ടികൾക്ക് ഓരോ ഗ്ലാസ് പാൽ കൊടുക്കും. കൂടാതെ കോഴിമുട്ട, കാടമുട്ട, ചിക്കൻ, മീൻ, ഏത്തപ്പഴം, ദോശ, അപ്പം, ഇടിയപ്പം, വെജിറ്റബിൾ കറികൾ തുടങ്ങിയ പോഷകാഹാരങ്ങൾ നൽകുമെന്നും പ്രസിഡന്റ് പി.യു.ജോമോൻ പറഞ്ഞു.