മണക്കാട്:ഗ്രാമപഞ്ചായത്തിന്റെയും പ്രാഥമിക ആരോഗ്യ കേന്ദ്രത്തിന്റെയും നേതൃത്വത്തിൽ പഞ്ചായത്ത് പരിധിയിലുള്ള കിടപ്പ് രോഗികളുടെയും അവരുടെ ബന്ധുക്കളെയും പങ്കെടുപ്പിച്ചുകൊണ്ടുള്ള കുടുംബ സംഗമവും, ഓണക്കോടി കിറ്റു വിതരണവും സംഘടിപ്പിച്ചു. ചിറ്റൂർ ഗവൺമെന്റ് എൽ.പി.സ്‌കൂൾ ഹാളിൽ നടന്ന സംഗമം തൊടുപുഴ ബ്ലോക്ക് പഞ്ചായത്ത് പ്രസിഡന്റ് ട്രീസാ ജോസ് ഉദ്ഘാടനം ചെയ്തു.മണക്കാട് ഗ്രാമപഞ്ചായത്ത് പ്രസിഡന്റ് ടിസി ജോബ് അദ്ധ്യക്ഷതവഹിച്ചു. പാലിയേറ്റീവ് കുടുംബങ്ങൾക്ക് ഓണക്കോടിയും ഓണക്കിറ്റും നൽകുന്ന പദ്ധതിയുടെ ഉദ്ഘാടനം ജില്ലാ പഞ്ചായത്തംഗം സി.വി.സുനിത നിർവഹിച്ചു. കുടുംബ സംഗമത്തിനോട് അനുബന്ധിച്ച് 110 കുടുംബങ്ങൾക്ക് ഓണക്കോടിയും 80 കുടുംബങ്ങൾക്ക് 17 ഓണക്കിറ്റും നൽകി. തുടർന്ന്
പാലിയേറ്റീവ് രോഗികളും ജീവനക്കാരും കലാപരിപാടികൾ അവതരിപ്പിച്ചു.