അടിമാലി: ഐ.സി.ഡി.എസ്. അടിമാലി അഡീഷണൽ ശിശുവികസന പദ്ധതി ഓഫീസിന് കീഴിൽ ബൈസൻവാലി പഞ്ചായത്ത് പരിധിയിലെ അങ്കണവാടികളിൽ ഭാവിയിലുണ്ടാകുന്ന വർക്കർമാരുടെയും ഹെൽപ്പർമാരുടെയും ഒഴിവുകളിലേക്ക് നിയമനം നടത്താൻ സെലക്ഷൻ ലിസ്റ്റ് തയ്യാറാക്കുന്നതിന് വനിതാ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. അപേക്ഷകർ ബൈസൻവാലി പഞ്ചായത്തിൽ സ്ഥിര താമസക്കാരായിരിക്കണം. അങ്കണവാടി വർക്കർ തസ്തികയിലേക്ക് അപേക്ഷിക്കുന്നവർ എസ്. എസ.് എൽ. സി. വിജയിച്ചവരായിരിക്കണം. എസ്. എസ്. എൽ. സി. വിജയിക്കാത്ത എഴുത്തും വായനയും അറിയാവുന്നവരാണ് ഹെൽപ്പർ തസ്തികയിലേക്ക് അപേക്ഷിക്കേണ്ടത്. പ്രായം 18 നും 46 വയസ്സിനുമിടയ്ക്ക്.അപേക്ഷ ലഭിക്കേണ്ട അവസാന തിയതി സെപ്തംബർ 23. കൂടുതൽ വിവരങ്ങൾക്ക് കുഞ്ചിത്തണ്ണിയിൽ പ്രവർത്തിക്കുന്ന അഡീഷണൽ ശിശുവികസന പദ്ധതി ഓഫീസുമായി നേരിട്ട് ബന്ധപ്പെടുക. ഫോൺ 04865265268