ചെറുതോണി:എം ഡി എം എ പോലുള്ള ലഹരിപദാർത്ഥങ്ങൾ ചെറുപ്പക്കാരിലേക്ക് എത്തുന്നത് വ്യാപകമായിരിക്കുകയാണെന്ന് ഡീൻ കുര്യാക്കോസ്.എം പി പറഞ്ഞു. കെ
പി എം എസിന്റെ നേ
തൃ ത്വത്തിൽ നടന്ന 159 മത് അയ്യൻകാളി ജന്മദിന ആഘോഷം ഉദ്ഘാടനം ചെ
യ്ത് പ്രസംഗിക്കുകയായിരുന്നു അദ്ദേഹം. വിദ്യാഭ്യാസത്തിന്റെ കുറവുകൾ കൊണ്ടല്ല വിദ്യാർത്ഥികളും ചെറുപ്പക്കാരും ലഹരികൾക്ക് അടിമപ്പെടുന്നത്. ഈ സാഹചര്യത്തിൽ കെപിഎംഎസ് പോലുള്ള സംഘടനകളുടെ ഇടപെടൽ ശക്തമാവണമെന്ന് എംപി അഭിപ്രായപ്പെട്ടു.
കെ പി എം എസ് ഉടുമ്പഞ്ചോല യൂണിയന്റെയും ഇടുക്കി യൂണിയന്റെയും നേതൃത്വത്തിലാണ് അയ്യങ്കാളി ജന്മദിനാഘോഷം ചെറുതോണിയിൽ സംഘടിപ്പിച്ചത്. രാവിലെ ഘോഷയാത്രയോട് കൂടിയായിരുന്നു ജന്മദിന ആഘോഷത്തിന് തുടക്കം കുറിച്ചത്. തുടർന്ന് നടന്ന പൊതുസമ്മേളനത്തിൽ ജില്ലാ പ്രസിഡന്റ് ബിജു നിള അദ്ധ്യക്ഷത വഹിച്ചു. സംസ്ഥാന അസിസ്റ്റന്റ് സെക്രട്ടറി വി സി ശിവൻ മുഖ്യപ്രഭാഷണം നടത്തി ,ജില്ലാ സെക്രട്ടറി കെ പി സുരേഷ് കുമാർ ജന്മദിന സന്ദേശം നൽകി. ഭാരവാഹികളായ കെ എം തങ്കപ്പൻ ,ബിജു കേശവൻ,ബാബു വിഎസ്,പി കെ സുരേഷ്,എ ടി സാബു , ഷീനാമോൾ വീ ടി, പി കെ രതീഷ് കുമാർ തുടങ്ങിയവർ പ്രസംഗിച്ചു. ചടങ്ങിൽ ഉന്നത വിജയം നേടിയ വിദ്യാർത്ഥികളെ ആദരിച്ചു.