കട്ടപ്പന : നഗരസഭ കുടുംബശ്രീ സി.ഡി.എസ് 2 ഐ. റ്റി. ഐ. ജംങ്ഷനിൽ മിനി സിവിൽ സ്റ്റേഷന്
സമീപം ആരംഭിച്ച ജനകീയ ഹോട്ടലിന്റെ ഉദ്ഘാടനം നഗരസഭ അദ്ധ്യക്ഷ ഷൈനി സണ്ണി ചെറിയാൻ നിർവഹിച്ചു. സംസ്ഥാന സർക്കാരിന്റെ വിശപ്പുരഹിത കേരളം പദ്ധതിയുടെ ഭാഗമായി നടപ്പിലാക്കിവരുന്നകുടുംബശ്രീ സംരംഭമാണ് ജനകീയ ഹോട്ടലുകൾ. പൊതുജനങ്ങൾക്ക് 20 രൂപക്ക് ഉച്ചഭക്ഷണം ലഭ്യമാക്കുന്നതിന് പ്രാധാന്യം കൊടുത്ത് നടപ്പാക്കുന്ന പദ്ധതി തദ്ദേശ സ്വയംഭരണ സ്ഥാപനങ്ങൾ,
കുടുംബശ്രീ, സിവിൽ സപ്ലൈസ് വകുപ്പ് എന്നിവയുടെ കൂട്ടായ പ്രവർത്തനത്തിലൂടെയാണ്
നടപ്പാക്കുന്നത്. സ്‌പെഷ്യൽ വിഭവങ്ങളും പ്രാതലും മിതമായ നിരക്കിൽ ഹോട്ടലിൽ ലഭ്യമാണ്.വൈകന്നേരങ്ങളിൽ കപ്പ ബിരിയാണി ഉൾപ്പെടെയുള്ള ഭക്ഷണവും ജനകീയ ഹോട്ടലിൽ ലഭിക്കും. ഉദ്ഘാടന ചടങ്ങിൽ കട്ടപ്പന നഗരസഭ ഉപാദ്ധ്യക്ഷൻ ജോയ് ആനിത്തോട്ടം, സഹകരണ ബാങ്ക് പ്രസിഡന്റ് ജോയ് വെട്ടിക്കുഴി, സി. ഡി. എസ്. ചെയർപേഴ്‌സൺമാരായ ഷൈനി ജിജി, രത്‌നമ്മ സുരേന്ദ്രൻ, വാർഡ് കൗൺസിലർ ഷാജി കൂത്തോടി തുടങ്ങിയവർ പങ്കെടുത്തു.