ഇടുക്കി:സംസ്ഥാനത്തെ വിവിധ തദ്ദേശസ്വയംഭരണ സ്ഥാപനങ്ങളിൽ വന്നിട്ടുള്ള അംഗങ്ങളുടെ ഒഴിവുകൾ നികത്തുന്നതിനായി നടത്തുന്ന ഉപതിരഞ്ഞെടുപ്പിന് മുന്നോടിയായി 26 വരെ വോട്ടർ പട്ടികയിൽ പേര് ചേർക്കുന്നതിന് അപേക്ഷിക്കാം. അന്തിമ വോട്ടർ പട്ടിക ഒക്ടോബർ 10 ന് പ്രസിദ്ധീകരിക്കും.
ഇടുക്കി ജില്ലയിൽ ഇളംദേശം ബ്ലോക്ക് പഞ്ചായത്ത് വാർഡ് ഒന്നിലും, വണ്ണപ്പുറം ഗ്രാമപഞ്ചായത്തിലെ 06മുണ്ടൻമുടി, 07എഴുപതേക്കർ, 08കൂവപ്പുറം, 13വണ്ണപ്പുറം ടൗൺ നോർത്ത്, 14വണ്ണപ്പുറം ടൗൺ സൗത്ത്, 15കലയന്താനി എന്നീ വാർഡുകളിലും, ജി10 ശാന്തൻപാറ ഗ്രാമപഞ്ചായത്തിലെ വാർഡ് 10 തൊട്ടിക്കാനം, ജി.29 ഇടുക്കികഞ്ഞിക്കുഴി ഗ്രാമപഞ്ചായത്തിലെ വാർഡ് 18 പൊന്നെടുത്താൽ, ജി17 കരുണാപുരം ഗ്രാമപഞ്ചായത്തിലെ വാർഡ് 16 കുഴിക്കണ്ടം എന്നീ തദ്ദേശസ്വയംഭരണ സ്ഥാപനങ്ങളിലെ വാർഡുകളിലാണ് ഉപതിരഞ്ഞെടുപ്പ് നടത്തുന്നത്. ഉപതിരഞ്ഞെടുപ്പിന് മുന്നോടിയായി വാർഡുകളിലെ വോട്ടർ പട്ടിക പുതുക്കുന്നതിനുള്ള നടപടികൾ ആരംഭിച്ചിട്ടുണ്ടെന്ന് ജില്ലാ തിരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കളക്ടർ ഷീബ ജോർജ് അറിയിച്ചു.
കരട് വോട്ടർ പട്ടിക സെപ്തംബർ 12 ന് പ്രസിദ്ധീകരിച്ചു. അപേക്ഷകളും ആക്ഷേപങ്ങളും 26 ന് വൈകിട്ട് 5 വരെ സ്വീകരിക്കും, ഒക്ടോബർ 7 ന് വോട്ടർ പട്ടിക അപ്‌ഡേഷൻ പൂർത്തിയാക്കി അന്തിമവോട്ടർ പട്ടിക ഒക്ടോബർ 10 ന് പ്രസിദ്ധീകരിക്കും.