തൊടുപുഴ: പ്രസിദ്ധമായ മണക്കാട് പുതുക്കുളം ശ്രീ നാഗരാജാ സ്വാമി ക്ഷേത്രത്തിൽ ആയില്യം, മകം മഹോത്സവം 22,​ 23 തീയതികളിൽ നടക്കും. ആയില്യം നാളായ 22ന് പുലർച്ചെ 3.45ന് നടതുറപ്പ്,​ നാലിന് നിർമ്മാല്യദർശനം,​ 4.15 ന് അഭിഷേകങ്ങൾ,​ അഞ്ചിന് ഗണപതി ഹോമം,​ തുടർന്ന് മലർനിവേദ്യം,​ ഉഷപൂജ,​ പന്തീരടിപൂജ,​ ഉച്ചപൂജ,​ 6.30ന് നൂറും പാലും നിവേദ്യം,​ എട്ടിന് പാൽപ്പായസ ഹോമം,​ ഒമ്പതിന് അഷ്ടനാഗപൂജ,​ 11ന് തളിച്ചുകൊട,​ തുടർന്ന് പ്രസാദ ഊട്ട്,​ വൈകിട്ട് 4.30 ന് നടതുറപ്പ്,​ 5.30ന് തെക്കേകാവിലേക്ക് എഴുന്നള്ളിപ്പ്,​ ആറിന് തെക്കേ കാവിൽ വിശേഷാൽ പൂജകൾ,​ 6.30ന് തിരിച്ചെഴുന്നള്ളിപ്പ്,​ ഏഴിന് ദീപാരാധന,​ തുടർന്ന് കളമെഴുത്തുംപാട്ട്,​ എട്ടിന് സർപ്പബലി. മകം നാളായ

23ന് രാവിലെ നാലിന് നടതുറപ്പ്,​ നിർമ്മാല്യദർശനം,​ 4.15ന് അഭിഷേകങ്ങൾ,​ അഞ്ചിന് ഗണപതിഹോമം,​ 6.30 ന് നൂറുംപാലും,​ 9.30ന് മകംഇടി,​ 11ന് ഉച്ചപൂജ,​ തുടർന്ന് പ്രസാദ ഊട്ട്,​ വൈകിട്ട് 5 ന് നടതുറപ്പ്,​ 6.30 ന് വിശേഷാൽ ദീപാരാധന എന്നിവ നടക്കും. നെൽപ്പറ,​ മഞ്ഞൾപ്പറ വഴിപാടുകൾക്ക് സൗകര്യമുണ്ടാകും.