പെരുവന്താനം: സംസ്ഥാന സർക്കാർ നടപ്പിലാക്കുന്ന മയക്കുമരുന്നിനെതിരെ യോദ്ധാവാകൂ എന്ന സന്ദേശവുമായി പെരുവന്താനം ജനമൈത്രി പൊലീസ് സ്റ്റേഷന്റെ നേതൃത്വത്തിൽ ലഹരി വിരുദ്ധ സന്ദേശ ടൂവീലർ റാലി സംഘടിപ്പിച്ചു. പെരുവന്താനം പൊലീസ് സ്റ്റേഷനിൽ നിന്ന് ആരംഭിച്ച റാലി സ്റ്റേഷൻ ഇൻസ്പക്ടർ വി.കെ ജയപ്രകാശ് ഉദ്ഘാടനവും, ലഹരി വിരുദ്ധ പ്രതിജ്ഞയും ചൊല്ലി നൽകി. പെരുവന്താനം എസ്.ഐ ജെഫി ജോർജ് ഫ്‌ളാഗ് ഓഫ് കർമ്മം നിർവഹിച്ചു. പെരുവന്താനത്തു നിന്നും ആരംഭിച്ച ബൈക്ക് റാലി കുട്ടിക്കാനം ജംഗ്ഷൻ എത്തി തിരികെ പെരുവന്താനം പൊലീസ് സ്റ്റേഷനിൽ സമാപിച്ചു. നിരവധി പേരാണ് ബൈക്കുകളുമായി ലഹരിവിരുദ്ധ റാലിയിൽ പങ്കെടുത്തത്.