കൊയിലാണ്ടി: നഗരസഭയിലെ നടേരി മരുതൂരിൽ കെ.എം.ആർ സ്പോർട്സ് അക്കാദമി സംഘടിപ്പിച്ച ഹോം ടൂർണ്ണമെൻ്റ് നഗരസഭ ഉപാദ്ധ്യക്ഷൻ കെ.സത്യൻ ഉദ്ഘാടനം ചെയ്തു. കെ.എം.രാജീവൻ അദ്ധ്യക്ഷത വഹിച്ചു. കരാത്തെ ബ്ലാക്ക് ബെൽറ്റ് വിജയികർക്കുള്ള അവാർഡുകളുടെ വിതരണം എം.എം.സി. എം.ഡി.അനിൽകുമാർ വള്ളിലും എസ്.എസ്.എൽ.സി., പ്ലസ് ടു ഉന്നത വിജയികൾക്കുള്ള സമ്മാനദാനം പ്രസ് ക്ലബ് സെക്രട്ടറി എ.സജീവ് കുമാറും നിർവഹിച്ചു. ഷട്ടിൽ ടൂർണ്ണമെൻ്റ് വിജയികൾക്കുള്ള ട്രോഫികൾ നഗരസഭാംഗം എം.പ്രമോദ് വിതരണം ചെയ്തു. അക്കാദമി ഭാരവാഹികളായ ചന്ദ്രൻ അപർണ്ണ, മുരളി, മനോജ്, ബൈജു, ജിനീഷ് എന്നിവർ പ്രസംഗിച്ചു.