കൊയിലാണ്ടി: കമ്പയിന്റ് ഡിഫൻസ് സർവീസ് പരീക്ഷയിൽ അഖിലേന്ത്യാ തലത്തിൽ മൂന്നാം റാങ്ക് നേടി ആർമിയിൽ ലഫ്റ്റനന്റ് പദവിയിലേക്ക് ചുവടു വെച്ച ഇന്ദുലേഖ നായർക്ക് സ്വീകരണവും അനുമോദനവും സംഘടിപ്പിച്ചു. ചെങ്ങോട്ടുകാവ് പഞ്ചായത്തിലെ ചേലിയയിൽ കിണറ്റുംകര തറവാട് ക്ഷേത്രസമിതിയുടെ ആഭിമുഖ്യത്തിലായിരുന്നു തറവാട്ടംഗങ്ങങ്ങൾ ക്ഷേത്ര പരിസരത്ത് അനുമോദന സദസ് നടത്തി. ഉള്ളിയേരി പടിഞ്ഞാറെ നീലിക്കണ്ടി ഉണ്ണിക്കൃഷ്ണൻ അനിത ദമ്പതികളുടെ മകളാണ് ഇന്ദുലേഖ. ഇന്ത്യൻ എയർഫോഴ്സ് ഗ്രൂപ്പ് ക്യാപ്റ്റൻ കെ.വി.സുരേഷ് ബാബു അനുമോദന സദസ് ഉദ്ഘാഘാടനം ചെയ്തു. തറവാട്ട് കാരണവർ എടവലത്ത് ഗോവിന്ദൻ നായരുടെ സാന്നിധ്യത്തിൽ നടന്ന പരിപാടിയിൽ കെ.ദാമോദരൻ അദ്ധ്യക്ഷത വഹിച്ചു. റിട്ട്. ലഫ്റ്റനന്റ് കേണൽ കെ.മാധവി, ആറാഞ്ചേരി ശിവദാസൻ, കിണറ്റുംകര കുട്ടിക്കൃഷ്ണൻ എന്നിവർ പ്രസംഗിച്ചു.