കോട്ടയം: എസ്.എൻ.ഡി.പി യോഗം കോട്ടയം യൂണിയന്റെ ആഭിമുഖ്യത്തിൽ എറണാകുളം മുക്തി ഭവൻ കൗൺസലിംഗ് സെന്ററിന്റെ സഹകരണത്തോടെയുള്ള വിവാഹപൂർവ കൗൺസലിംഗ് കോഴ്‌സിന്റെ 118-ാമത് ബാച്ച് 3നും 4നും ചാന്നാനിക്കാട്ടുള്ള ശ്രീനാരായണ പബ്ലിക് സ്‌കൂൾ ഓഡിറ്റോറിയത്തിൽ നടക്കും. രാവിലെ 9ന് ആരംഭിക്കുന്ന ക്ലാസുകളുടെ ഉദ്ഘാടനം കോട്ടയം യൂണിയൻ പ്രസിഡന്റ് എം.മധു നിർവഹിക്കും. യൂണിയൻ സെക്രട്ടറി ആർ.രാജീവ് അദ്ധ്യക്ഷത വഹിക്കും. വിവിധ വിഷയങ്ങളിൽ വി.എം ശശി, രാജേഷ് പൊന്മല, ഡോ.ശരത്ചന്ദ്രൻ, ബിബിൻ ഷാൻ, അനൂപ് വൈക്കം എന്നിവർ ക്ലാസുകൾ നയിക്കും. വിശദ വിവരങ്ങൾക്ക്: 9847861138, 9446664892.