കോട്ടയം. സ്കൗട്ട്സ് ആൻഡ് ​ഗൈഡ്സ് കോട്ടയം വിദ്യാഭ്യാസ ജില്ലയിൽ 4 കുട്ടികൾക്ക് വീടു നിർമ്മിച്ച് നൽകുന്നു. ചീരംകുളം ​ഗവ.യു.പി സ്കൂളിലെ മൂന്നാം ക്ലാസ് വിദ്യാർത്ഥിയ്ക്കായി നിർമ്മിക്കുന്ന വീടിന്റെ കല്ലിടീൽ 11ന് ഉമ്മൻചാണ്ടി നിർവഹിക്കും. കൈപ്പുഴ സെൻ്റ് ജോർജ് ഹൈസ്കൂളിലെ വിദ്യാർത്ഥിയ്ക്കായി നിർമ്മിക്കുന്ന വീടിന്റെ കല്ലിടീൽ 11ന് മന്ത്രി വി.എൻ വാസവൻ നിർവഹിക്കും. പള്ളം സി.എം.എസ് വിദ്യാർത്ഥിയ്ക്കായി നിർമ്മിക്കുന്ന വീടി​ന്റെ കല്ലിടീൽ 15ന് തിരുവഞ്ചൂർ രാധാകൃഷ്ണൻ എം.എൽ.എ നടത്തും. ചങ്ങനാശ്ശേരി ഉപജില്ലയിൽ സെൻ്റ് ആൻസ് ഹൈസ്കൂളിലെ വിദ്യാർത്ഥിക്കുള്ള വീടി​ന് ജോബ് മൈക്കിൾ എം.എൽ.എ കല്ലിടും.