കാഞ്ഞിരപ്പള്ളി : പാറത്തോട് ഗ്രേസി മെമ്മോറിയൽ ഹൈസ്‌കൂൾ വിദ്യാർത്ഥിനിയായ അപർണ്ണയ്ക്ക് വിദ്യാർത്ഥികളും, അദ്ധ്യാപകരും, ഇതര ജീവനക്കാരും , പൂർവ വിദ്യാർത്ഥികളും, സുമനസ്സുകളും ചേർന്ന് നിർമ്മിച്ചു നൽകുന്ന വീടിന് തറക്കല്ലിട്ടു. പാലപ്രയിൽ നടന്ന ചടങ്ങിൽ സെബാസ്റ്റ്യൻ കുളത്തുങ്കൽ എം.എൽ.എ ശിലാസ്ഥാപനം നിർവ്വഹിച്ചു. പാറത്തോട് പഞ്ചായത്ത് പ്രസിഡന്റ് ഡയസ് കോക്കാട്ട്, ജില്ലാ പഞ്ചായത്ത് അംഗം പി.ആർ അനുപമ, പഞ്ചായത്ത് അംഗങ്ങളായ കെ കെ.ശശികുമാർ, കെ.പി സുശീലൻ, സോഫി ജോസഫ്, സ്‌കൂൾ ഹെഡ്മിസ്ട്രസ് ലിറ്റി സി തോമസ്, പി.ടി.എ പ്രസിഡന്റ് ടി.എ സൈനില്ല, സ്‌കൂൾ മാനേജർ എം.എസ് ജയപ്രകാശ്, ജനറൽ കൺവീനർ ടോമി ജേക്കബ്, പി. ജി ദിലീപ്, പി.ജി ദീപ എന്നിവർ സംസാരിച്ചു. അപർണയും കുടുംബവും നാളുകളായി വാടകവീട്ടിലാണ് കഴിഞ്ഞിരുന്നത്.