തലയോലപ്പറമ്പ്:: എസ്.എൻ.ഡി.പി യോഗം 1870ാം നമ്പർ പുളിക്കമാലി ശാഖാ ഗുരുദേവ ക്ഷേത്രത്തിലെ പ്രതിഷ്ഠാ വാർഷികവും ഗുരുജയന്തി ആഘോഷങ്ങളും യൂണിയൻ സെക്രട്ടറി അഡ്വ:എസ്.ഡി സുരേഷ്ബാബു ഉദ്ഘാടനം ചെയ്തു. യൂണിയൻ പ്രസിഡന്റ് ഇ.ഡി പ്രകാശൻ അദ്ധ്യക്ഷത വഹിച്ചു. ശാഖാ പ്രസിഡന്റ് വി.ടി സുരേന്ദ്രൻ സ്വാഗതം പറ‌ഞ്ഞു. ആലുവ അദ്വൈതാശ്രമം മഠാധിപതി സ്വാമി ധർമ്മചൈതന്യ പ്രതിഷ്ഠാദിന സന്ദേശം നൽകി. പ്രീതിലാൽ ഗുരുദേവ പ്രഭാഷണം നടത്തി. പ്രസാദമൂട്ട്, ഘോഷയാത്ര, ദീപക്കാഴ്ച്ച, ദീപാരാധന എന്നിവയും നടന്നു. ഉണ്ണികൃഷ്ണൻ ശാന്തി ക്ഷേത്രം ചടങ്ങുകൾക്ക് നേതൃത്വം നൽകി. ശാഖാ സെക്രട്ടറി എം.എസ് മണി സ്വാഗതം പറഞ്ഞു. ശാഖാ പ്രസിഡന്റ് വി.ടി സുരേന്ദ്രൻ വാക്കേപാറയിൽ, വൈസ് പ്രസിഡന്റ് എം.എ മണി, യൂണിയൻ വനിതാസംഘം സെക്രട്ടറി ധന്യ പുരുഷോത്തമൻ, യൂണിയൻ കമ്മിറ്റി അംഗം പി.എ ശശി, എം.കെ കുമാരൻ, ഇന്ദിരാ പ്രകാശൻ, ലാലി രാമകൃഷ്ണൻ, എം.ജി.ജയൻ, പി.വി.വിനോയി, പി.ബി.രാജു, സി.പി.സാബു, രാജൻ.കെ.എൻ, അനീഷ്.കെ.എൻ, മണികണ്ഠൻ ഓണക്കാവിൽ, അശ്വതി തുടങ്ങിയവർ പ്രസംഗിച്ചു.