ചാമംപതാൽ: കാനം സി.എം.എസ് ഹൈസ്‌കൂളിനു സമീപം ടോറസ് ലോറിയും ഓട്ടോറിക്ഷയും കൂട്ടിയിടിച്ചുണ്ടായ അപകടത്തിൽ ഓട്ടോറിക്ഷാ ഡ്രൈവർക്ക് പരിക്ക്. ചാമംപതാൽ കരോട്ടുമുറിയിൽ ഷെഫീഖ് (46) നാണ് പരിക്കേറ്റത്. തലയ്ക്കും കാലിനും കൈയ്ക്കും പരിക്കേറ്റ ഷെഫീഖിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്നലെ ഉച്ചയ്ക്ക് 12 മണിയോടെയായിരുന്നു അപകടം.കാനം ഭാഗത്തേക്ക് വരികയായിന്ന ടോറസ് ലോറിയും ചാമംപതാലിലേക്ക് വരികയായിരുന്ന ഓട്ടോറിക്ഷയും തമ്മിലാണ് കൂട്ടിയിടിച്ചത്. ഓട്ടോറിക്ഷയുടെ മുൻഭാഗം പൂർണമായും തകർന്നു.